Mohamady

Mohamady
Ankapobeny
Anarana	Mohamady
Teraka	22 Aprily 571
Maty	8 Jiona 632
Fiaviana sy ny andraikitra
Asa :	Tsy fantatra
Fiainana manokana

I Mohamady (amin' ny teny arabo محمّد / Muḥammad) dia mpitondra ara-pivavahana sy ara-pôlitika ary ara-tafika arabo avy amin'ny foko Quraysh. Amin'ny finoana silamo dia izy no mpaminanin' Andriamanitra. Teraka tao Maka (na Meka) izy tamin'ny taona 570 ary maty tao Madina tamin'ny taona 632. Abū al-Qāsim Muḥammad ibn ʿAbd Allāh ibn ʿAbd al-Muṭṭalib ibn Hāshim, no anatany feno.

Ny fianakavan'ny mpamiany

I Abd Allah ibn Abd al Muttalib no rain' i Mohamady.

Ny vadiny dia i Khadijah bint Khuwaylid, i Sawda bint Zamʿa, i Hafsa bint Umar, i Juwayriyya bint al-Harith, i Aisha, i Zaynab bint Jahsh, i Safiyya bint Huyayy, i Zaynab bint Khuzayma, i Umm Salama Hind bint Abi Umayya, i Ramla bint Abi Sufyan, i Rayhana bint Zayd ibn ʿAmr, i Maria al-Qibtiyya ary i Maymuna bint al-Harith.

Ny zanany dia i Qasim ibn Muhammad, i Ibrahim ibn Muhammad, i Zainab bint Muhammad, i Ruqayyah bint Muhammad, i Umm Kulthum bint Muhammad ary i Fatimah.

Ny tantarany

Ny asa faminaniana

Ny mpaminany Mohamady, araka ny sary tao amin'ny sora-tanana ôtômàna tamin'ny taonjato faha-17.

Nanomboka ny asa faminaniany i Mohamady tamin’ ny faha-40 taonany rehefa niseho taminy ny anjely Gabriela (Jibril amin’ny teny arabo) nandritra ny fahitana, araka ny lovantsofina. Nambaran’ i Mohamady tamin’ ny fianakaviany sy tamin’ ny namany akaiky ny antsipirian’ izany fanambaràna izany. Rehefa tapitra ny efapolo taona dia olona efapolo no voataonany hanaraka ny fivavahany. Tamin’ izany no nanombohany nitory teny imasom-bahoaka tao amin’ ny tanànan’ i Maka, nahaterahany. Noho ny tsy fankasitrahan’ ny mponin’ i Maka dia niala tao izy tamin’ ny taona 622 ka nankany Iatriba (Yathrib), izay atao hoe Madina (na Medina) ankehitriny. Izay fifindrà-monina izany no atao hoe Hijra, sady fiandohan’ ny fanisan-taona miozolmàna.

Tonga mpanapaka

Tao Iatriba (na Madina) i Mohamady dia tonga nanam-pahefana ara-pôlitika sy ara-pivavahana. Resiny ny Arabo sy Jiosy mpanohitra azy tao Madina, avy eo dia niady tamin’ ny tanànan’ i Maka izy. Nitombo isa ireo foko arabo nanaiky ny hofehezin’ i Mohmady ary nilavo lefona i Maka tamin’ ny taona 630. Maty tamin’ ny taona 632 i Mohamady. Nahatsangana fanjakana arabo izay nitombo hery sy velarana haingana izy.

Ny fampianarany

Ny hatsaram-panahy sy ny fahefan’ Andriamanitra ny zava-drehetra ary ny maha tokana an’ Andriamanitra, ary koa ny tokony haha malala-tanana sy marina amin’ ny fifandraisana amin’ ny samy olona no fampianarana lehibe nataon’ i Mohamady. Maro ireo lohahevitra avy amin’ ny jodaisma sy ny kristianisma izay tafiditra ao amin’ ny fivavahana naorin’ i Mohamady, na dia niorim-paka lalina tao amin’ny kolontsaina arabo talohan’ ny finoana silamo aza izany. Maro ireo fanao nalain’ ny mpaminany tamin’ ny mpanompo sampy izay noraisina amin’ ny endriny hafa, ka isan’ izany ny fivahiniana masina sy ny toerana masina misy ny Kaaba.

Jereo koa

• Silamo
• Kor'any
• Abu Bakr
• Omar ibn al-Khattâb
• Uthman ibn Affan
• Ali ibn Abi Talib

Rohy ivelany

Kor'any amin'ny teny farantsay (Wikisource):

• Le Koran: Traduction d’Albin de Kazimirski Biberstein (1952)
• Le Coran: Traduction d’un choix de sourates par Édouard Montet (1925)
• Le Coran: Traduction de Claude-Étienne Savary (1783)

Kor'any amin'ny teny anglisy (Wikisource):

• The Qur'an (2015), translated by the Progressive Muslims Organization (with Arabic)
• The Holy Qur-án (1917, rev. 1920), translated by Maulana Muhammad Ali (transcription project)

Kor'any amin'ny teny malagasy

• Full text of "Holy-Quran-Malagasy - اللغة المدغشقرية الملغاشية في مدغشقر"