Hijra
Ny Hijra dia ny fifindra-monin' ny mpaminany Mohamady sy ireo mpanara-dia azy tamin' ny 16 Jolay taona 622 avy ao Meka[1] makany Iatriba[2], izay anaran' i Medina[3] taloha, izay any amin' ny 350 km minavaratra. Atao hoe هجرة / hijrah izany amin' ny teny arabo. Io fotoana io no fanombohan' ny fanisan-taona silamo. Ireo mpanara-dia ny mpaminany ireo no atao amin' ny teny arabo hoe الصحابة / aṣ-ṣaḥābah.
Io fotoan' ny Hijra io no fotoana nananganana ny fiombonan' ny mpino silamo (Umma) voalohany (atao hoe أمّة / ummat), satria ny fiarahamonin' ny vahoaka arabo dia miorina amin' ny fisian' ny foko. Fisarahana tanteraka amin' izany fomba izany ny zava-nitranga tamin' io andro io ho an' ny mpino silamo ka rivo-baovao no mitsoka noho izany.
Loharano sy fanamarihana[hanova | hanova ny fango]
- ↑ Amin'ny teny arabo dia atao hoe مكة / Makka ny tananan'i Maka izay atao amin'ny teny frantsay hoe La Mecque, na Mecca amin'ny teny anglisy.
- ↑ Amin'ny teny arabo dia atao hoe يثرب / Yathrib ny teny nogasina eto hoe Iatriba.
- ↑ Atao hoe المدينة / Al-Madīna ny tanànan'i Madina amin'ny teny arabo, izay atao hoe Medine amin'ny teny frantsay na amin'ny ten anglisy.