Fiteny grika

Avy amin'i Wikipedia
Hanketo: Fikarohana, karohy
Fiteny grika
Ελληνικά (elliniká)

Isan'ny mpiteny 15 tapitrisa
Faritany Flag of Greece.svg Grisy, Endrika:Kipra, Flag of Australia.svg Aostralia
Sata ; Teny ofisialy


Ny fiteny grika dia fiteny indo-eoropeanina. Izany no fiteny ofisialy ao Grisy sy Kipra. Ny toerana notenenana io fiteny io voalohany dia tao grika ary tao amin’ny amorontsiraky ny Azia Minora, ary tamin’ny faritra atsimon’i Italia. Nisy fotoana nampiasana ny teny grika ihany koa tao Azia Andrefana ary tao Afrika Avaratra. Ny anaran’ny fiteny grika amin’ny teny grika dia Ελληνικά (elliniká).

Mampiasa ny abidy grika ny grika rehefa manoratra ny teniny. Avy amin’ny abidy grika ny abidy latina izay hanoratana ny teny malagasy, frantsay ary ny ankamaroan’ny teny eoropeanina tandrefana. Habidy hafa maro ihany koa no avy amin’ny teny grika toa ny abidy sirilika. Io abidy grika io kosa dia avy amin’y abidy nampiasain’ny fenisianina.

Ny grika dia mananan tantara an-tsoratra tsy tapaka nandritry ny telo arivo taona. Izano dia lava noho ny teny indo-eoropeana tenenina ankehitriny. Vakiana ho telo tolo izany tantara izany : grika taloha, grika tamin’ny taona afovoany, ary ny grika ankehitriny. Ny taona anelanelan’ny taona 330 sy 1453 dia antsoina hoe grika tamin’ny Taona Afovoany satria tamin’io fotoana io no nanjakan’i Empira Bizantina.

Ankehitriny ia eo amin’ny 15 tapitrisa eo ho eo no miteny grika. Ao Grisy sy Sipra no misy ny ankamaroan’izy ireo. Misy ihany koa ny olona miteny grika eny amin’ny firenena maro. Ny anton’izany dia ny fifindran’ireo mpiteny grika monina. Maro dia maro ireo grika lasa nifindra monina tany Aostralia.

Jereo koa[hanova | hanova ny fango]