Omar ibn al-Khattâb
Omar ibn al-Khattâb
| |||
| Ankapobeny | |||
| Anarana | Omar ibn al-Khattâb | ||
| Teraka | Taona 585 | ||
| Maty | 3 Nôvambra 644 | ||
| Fiaviana sy ny andraikitra | |||
| Asa : | Tsy fantatra | ||
| Fiainana manokana | |||
I Omar ibn al-Khattâb izay antsoina fotsiny hoe Omar na Umar dia kalifa faharoan' ny silamo, mpandimby ny mpaminany Mohamady, teo anelanelan' ny taona 634 sy 644. Teraka tamin’ ny taona 585 izy ary maty tamin’ ny Nôvambra 644. Ho an' ny ankamaroan' ny Mozilmana Sonita, i Omar dia iray amin' ny "kalifa voatarika marina" (arabo: الخلفاء الراشدون / al-Khulafāʾ al-Rāshidūn) efatra, miaraka amin' i Abu Bakr sy i Othman ary i Ali.
Ny fiainany manokana
[hanova | hanova ny fango]I Khattab ibn Nufayl no rainy.
Ny vadiny dia i Umm Kulthum bint Asim sy i Umm Kulthum bint Ali.
Ny zanany dia i Abdullah ibn Umar, sy i Asim ibn Umar ary i Hafsa bint Umar.
Ny anabaviny dia i Fatimah bint al-Khattab ary ny rahalahiny dia i Zayd ibn al-Khattab.
Mpiara-dia amin' ny Mpaminany Mohamady
[hanova | hanova ny fango]Teraka tao Maka sady isan’ ny foko kôraisita (qoraychite) (izay fokon' ny Mpaminany koa) i Omar ibn al-Khattab izay nandray ny finoana silamo telo taona taorian' ny nambaràn' i Mohamady, izay niova fo tamin' ny alalan’ ny anabaviny sy ny zaodahiny. Lasa anisan' ny mpianatra mahatoky indrindra izy.
Tamin' ny fahafatesan' ny mpaminany tamin' ny taona 632 dia nandray anjara tamin' ny fanendrena an' i Abu Bakr ho kalifa voalohany izy — izany hoe "mpandimby" an' i Mohamady hitondra ny fianakaviamben' ny mpino silamo (atao amin' ny teny arabo hoe Umma) i Omar - ary nandray anjara tamin' ity governemantan-kalifa voalohany ity. Teo am-pahafatesany i Abu Bakr dia nanankina ny kalifata amin' i Omar, tsy nisy na dia iray aza tamin' ny mpikambana manan-danja ao amin' ny fianakaviambe silamo izay niady hevitra ny amin' izany.
Kalifa faharoan' ny silamo
[hanova | hanova ny fango]Tamin’ ny fitarihan' i Omar no nitrangan' ny fanitarana lehibe voalohany ny finoana silamo tany ivelan' ny Saikinosy Arabo: tamin' ny 20 Aogositra 636 ny tafika mozimanan' i Khalid ibn al-Walid dia nandresy ny tafika bizantina teo amoron' ny renirano Yarmouk, izay 100 km miala ny tanànan‘ i Damaskôsy (na Damasy, ankehitriny any Siria). Taorian' io fandresena io dia resin' ny tafika mozilmana ny faritra bizantina atsinanan' i Mediteranea: i Siria (tamin' ny taona 636), i Tripôlitania, i Kirenaîka (tamin’ ny taona 641) ary i Ejipta (nalain' i Amr ibn al-As tamin' ny taona 642 i Aleksandria) nifandimby resy ka nofehezin' ny Mozilmana. Toy izany koa dia imbetsaka ny tafiky ny Empira Sasanida no resy, indrindra fa tamin’ ny taona 642, ka namela ny tapany avaratra amin' i Mesôpôtamia teo am-pelan-tanan’ ny tafika mozilmana.
Tao anatin' ny Empira Mozilmana dia nametraka ny fotopototry ny fitantanana silamo i Omar ary nanomboka ny vanim-potoan' ny Hijra (izay nantombony tamin' ny 16 Jolay 622). Tsy mitady ny hampiova finoana ny mponina resy ary, indrindraindrindra, niantoka ny satan' ny dhimmi ("arovana") ho an' ny tsy mozilmana amin' ny hetra manokana izy. Izy no nanomboka ny fanorenana ny Qubbat Aṣ-Ṣakhrah (frantsay: Dôme de Rocher) ao Jerosalema.
Tamin' ny Nôvambra 644 dia novonoin' ny andevo persana afaka iray tao amin' ny môskean’ i Medina i Omar. Notendrena ho kalifan' ny silamo hisolo azy i Othman avy eo.
Jereo koa
[hanova | hanova ny fango]Rohy ivelany
[hanova | hanova ny fango]- Ao amin'i Freebase: [1]
