Môskea

Avy amin'i Wikipedia
Ny môskea Al-Nabawi ao Medina, any Arabia Saodita

Ny môske na môskea no toeram-pivavahana ivorian' ny Mozilmana hanatanterahana ny vavaka iraisana. Teo anelanelan' ny taonjato faha-7 sy faha-16 no tena namipirobo ny fanamboarana môskea. Hodidinin' ny tilikambo (arabo: منارة / manara na مئذنة / mi’dhana) maro ny trano mamorona ny môskea, miendrika andohalambo ny tafony. Ao amin' ny iray amin' ireo tilikambo ireo no anaovana ny mouadh-dhin (arabo: مُؤَذِّن: fiantsoana amin' ny feo avo ny mpino hivavaka) mandritra ny adhan (arabo: أذان).

Fiforonan-teny[hanova | hanova ny fango]

Ny teny frantsay hoe môsquée no nohagasina hoe môske na môskea. Io teny frantsay io dia avy amin' ny endrika italianan' io teny io hoe moschea, izay avy amin' ny endrika espaniôlan' io teny io hoe mezquita, izay avy amin' ny teny arabo hoe مسجد / masjid (izay midika ara-bakiteny hoe "toeram-piakohofana"), izay avy amin' ny teny arameana hoe masged, izay avy amin' ny fototeny prôtô-semitika izay midika hoe "mametraka ny handrina amin' ny tany".

Fampiasana ny môskea[hanova | hanova ny fango]

Karazana môskea[hanova | hanova ny fango]

Samihafa ny habe sy ny endriky ny môskea, ka misy:

  • ny môskea madinika (atao hoe مسجد / masjid), dia ny môskean' ny vakin-tanàna, anaovana ny vavaka andavan' andro, sy
  • ny môskea lehibe na môskean' ny Zoma (atao hoe مسجد الجَامِع / masjîd al-jâmi‘ na جَامِع / jami’ fotsiny, izay ivavahana isaky ny andro Zoma.

Fampiasana ny môskea[hanova | hanova ny fango]

Tsy toeram-pivavahana fotsiny ny môskea fa andry ara-piarahamonina sy ara-panabeazana koa: mety hahitana madrasa, trano famakiam-boky, ivontoeram-piofanana, na oneversite koa aza. Toeram-pihaonana sy fifanakalozana eo amin' ny fiarahamona koa ny ao.