Antandroy

Avy amin'i Wikipedia
Aller à la navigation Aller à la recherche
Antandroy manao ny dihy nentim-paharazana
Antandroy manao ny dihy nentim-paharazana

Ny Antandroy na Tandroy na Ntandroy dia vondrom-poko ao amin' ny faritra atsimo indrindra eto Madagasikara, monina eo anelanelan' ny ony Menarandra ao andrefana sy Mandrare ao atsinanana ary ny havoana Vohimainty ao avaratra. Any amin' ny Faritra Androy no misy azy. Ireto ny tanàna lehibe any: Ambovombe sy Beloha ary Tsihombe. Tanàna antandroy koa i Bekily. Tamin' ny taona 2013 dia niisa any amin' ny 600 000 any ho any ny Antandroy[1]; izy ireo vondrom-poko fahadimy raha ny habetsahana no heverina[2]. Mpiompy omby mifindrafindra tierana ny Antandroy, ompiany koa ny osy aman' ondry.

Ny faritra onenan' ny Antandroy[hanova | hanova ny fango]

Eo anelanelan' ny ony Menarandra ao andrefana sy Mandrare ao atsinanana ary ny havoana Vohimainty ao avaratra. Any amin' ny Faritra Androy no misy azy.

Ireo tanàna lehibe[hanova | hanova ny fango]

Ambovombe[hanova | hanova ny fango]

Tanàna any amin' ny faritra Androy ao amin' ny faritanin' i Toliara Ambovombe. Izy no tanàna ahitana Antandroy betsaka indrindra sady renivohitry ny faritra Androy. Tamin' ny taona 2014 dia nisy mponina 126 321 ny tao Ambovombe.

Tsihombe[hanova | hanova ny fango]

I Tsihombe dia kaominina malagasy izay nisy mponiny miisa 25 058 araka ny faminavinana natao tamin' ny taona 2000. Izy no renivohitry ny distrikan' i Tsihombe. Amoron' ny renirano Manambovo sady miorina 30 km avaratry ny Tanjona Vohimena (Cap Sainte Marie) izay tendron' i Madagasikara farany atsimo izy. I Tsihombe no tanàna ao amin' ny faritra Androy ahitana môske sy mpitondra fivavahana silamo (Imam).

Beloha[hanova | hanova ny fango]

Kaominina malagasy i Beloha, izay nisy mponina miisa 25 000 araka ny faminavinana natao tamin' ny taona 2000. Izy no renivohitry ny distrikan' i Beloha.

Bekily[hanova | hanova ny fango]

I Bekily dia kaominina malagasy sady renivohitry ny distrikan' i Bekily.

Ireo renirano ao Androy[hanova | hanova ny fango]

Menarandra[hanova | hanova ny fango]

I Menarandra dia renirano ao mivarina any Ranomasimbe Indiana. Mahatratra 250 km eo ho eo ny halavanyTsy misy renirano mivarina ao avy amin’ ireo tendrombohitra any atsinanana ipoirany ka izany no mahatonga azy ho vitsy rano, afa-tsy amin' ny fotoan' ny oram-be. Amin' ny main-tany dia lasa korian-drano kely ambony vato i Menerandra ary milevina any anaty fasika izany rano izany matetika.

Manambovo[hanova | hanova ny fango]

Renirano any amin' ny faritra Androy i Manambovo, izay mandalo ny distrikan' i Tsiombe sy mivarina any amin' ny Ranomasimbe Indiana.

Ireo foko ao amin' ny vondrona antandroy[hanova | hanova ny fango]

Ireto ny foko ao amin' ny vondrom-poko antandroy: ny Ambonitaka, ny Amparehesa, ny Analave, ny Analavondrove, ny Anjeka, ny Antambaly, ny Antambanditsy, ny Antambaro, ny Antemokafo, ny Antesomangy, ny Antezaha, ny Esila, ny Mahatomotsy, ny Maroaloka, ny Renivave, ny Sahivohitse, ny Tamboroho, ny Tsienimbalala, ny Tsimanata, ny Zafindramalo, ny Zafindramanary, ny Zafindravalo, ny Zafindravoay ary ny Zafitsifaly[3].

Sarin-tany maneho ny faritra misy ny vondrom-poko eto Madagasikara.

Jereo koa[hanova | hanova ny fango]

Ny mponina eto Madagasikara[hanova | hanova ny fango]

Ny foko eto Madagasikara[hanova | hanova ny fango]

Ny vahoaka hafa eto Madagasikara[hanova | hanova ny fango]

Loharano sy fanamarihana[hanova | hanova ny fango]

  1. Diagram Group (2013). Encyclopedia of African Peoples. San Francisco, CA: Routledge.
  2. Fage, J.D.; Crowder, M.; Oliver, R.A. (1984). The Cambridge History of Africa. Cambridge, MS: Cambridge University Press. p. 668.
  3. Randriamamonjy Frédéric, Tantaran' i Madagasikara isam-paritra, 2006, pp. 73-76.