Volafotsy

Ny volafotsy dia singa simika nampitondraina ny laharana atômika 47 sy aseho amin' ny eva Ag (avy amin' ny fanafohezana ny teny latina hoe argentum). Metaly tetezamita malefaka, fotsy, mamirapiratra, manana toetra mampita aratra ambony indrindra, ny fitarihana hafanana ary fitaratry ny metaly rehetra ny volafotsy. Metaly sarobidy, indraindray antsoina hoe volafotsy metaly, ny zaka tsotra volafotsy. Efa fantatra sy nomen-danja hatramin' ny Andro Taloha ny volafotsy tamin' ny fampiasana azy ho fihaingoana sy anamboarana vola. Azo inoana fa efa nisy talohan' ny taona 2500 tal JK ny fitrandrahana volafotsy.

Manana toetra mahatohitra harafesina sy mahatohitra fahasimbana io metaly io sy ny tsamany. Fantatra tsara ny fampiasana volafotsy amin' ny fanaovana loko metaly, amin' ny fanefena firavaka sy vola madinika. Amin' ny ankapobeny dia atambatra amin' ny metaly hafa amin' ny fatra kely ny volafotsy mba ho lasa mafy sy mahatohitra kokoa. Misy volafotsy 92,5 % sy varahina 7,5 % ny volafotsy ampiasaina amin' ny fandokoana sy fanamboarana fitaovan-dakozia. Fotsy ny tsama azo avy amin' ny fampikambanana ny varahina sy ny volafotsy raha latsaky ny 50 % ny fatran' ny varahina. Ampiasaina amin' ny fadrakofana ny tava malaman' ny fitaratra, amin' ny alalan' ny fanetonana azy na amin' ny fisiky ny volafotsy. Ampiasaina amin' ny fampikasohana elektrika sy elektrônika koa ny volafotsy satria mpampita aratra tsara kokoa noho ny varahina. Ampiasaina amin' ny fanasana sary ny brômioran' ny volafotsy (AgBr) sy ny iodioran' ny volafotsy (AgI) satria mora miova ireo siram-bolafotsy ireo raha tratran' ny hazavana. Nampiasaina ho fanafody ny volafotsy kôlôida.

Ao amin' ny kolontsaina

Ohabolana malagasy

Ny herana aman-jozoro dia maniry amin' ny tany, ary ny volamena sy ny volafotsy dia tsy latsaka avy any an-danitra.

Jereo koa