Volavelona

Avy amin'i Wikipedia
Volavelona

Ny volavelona dia singa ara-tsimia mitondra ny laharana atômika 80 sy ny eva Hg (fanafohezana ny teny latina hoe Hydrargyrum). Metaly miranoka somary marihitra ny volavelona rehefa feno ny fepetra manara-penitry ny maripana sy ny tsindry. Ampiasaina amin' ny fanamboarana tondrofana sy amin' ny fanamboarana tondrotsindry ary amin' ny batery ny volavelona.

Amin' ny hafanan' ny tontolo manodidina, ny volavelona dia miendrika ranoka manjelatra, miloko fotsy sahala amin' ny volafotsy, izay mihamiova tsikelikely raha avela ho azon' ny rivotra sady kasa etona ary mivaingana izy raha mahatratra 7 640 atmôsfera (na 7741,23 bar) ny tsindry. Raha avaingana izy dia mitovy amin' ny volafotsy. Levon' ny asidra nitrika sy ny asidra solforika marihitra ny volavelona. Mitsonina manomboka amin' ny maripana - 39 °C ny volavelona ary mangotraka amin' ny maripana 357 °C. Manana hakitroka 13,5 izy.

Jereo koa[hanova | hanova ny fango]