Onilahy (renirano)

Avy amin'i Wikipedia
Sauter à la navigation Sauter à la recherche
I Onilahy
Fizoran'i Onilahy mankany amin'ny helodranon'i Soalara
Ny helodranon'i Soalara ivarinan'i Onilahy

I Onilahy na Oñelahy dia renirano any amin'ny faritra atsimo-andrefan'i Madagasikara, ao amin'ny faritanin'i Toliara. Mahatratra 31 600 km2 ny vavaranony ary 145 m3/s ny habetsahan'ny korian-dranony ary 400 km any ho any ny halavany ary any amin'ny 1 000 m any ny haabon'ny toerana ipoiran'ny loharanony any amin'ny distrikan'i Betroka. Izy no mametra avy ao avaratra ny faritra mahafaly.

Ny rano mamatsy azy avy ao amin'ny ilany ankavia dia Isoanala, Ianapera, i Sakoa ary i Sakamena, fa ny avy ao amin'ny ilany ankavanana ao avaratra kosa dia Imaloto, i Sakamare, i Taheza ary i Sakondry. Mamakivaky lohasaha lalina i Onilahy ary mivarina mitsotsorina tampoka any amin'ny helodranon'i Soalary (na Saint-Augustin) (35 km atsimon'i Toliara) ao amin'ny Lakandranon'i Môzambika noho ny fitohizan'io lohasaha lalina io any an-dranomasina. Ny ampahan'ilay lohasaha ao andrefan'i Tongobory dia ahitana fambolem-bary sahan'ny tantsaha antanosy.

Jereo koa[hanova | hanova ny fango]