Matsiatra

Avy amin'i Wikipedia
Renirano Matsiatra à Befeta

I Matsiatra dia reniranon' i Madagasikara, mikoriana mankany andrefana ka manompo ny ony Mangoky, manana halava 410 km, mamakivaky ny faritra Matsiatra Ambony sy ny faritra Amoron'i Mania ary ny faritra Atsimo-Andrefana, mihaona amin'i Mananatana mba hamorona an'i Mangoky. Manondraka tanimbary midadasika i Matsiatra, ka isan' izany i Vinanitelo sy i Mahasoabe ao amin'ny faritry ny Betsileo. Izy no manasaraka ny distrikan'i Lalangina amin'ny distrikan'i Vohibato, ary ny faritra Matsiatra Ambony amin'ny faritra Atsimo-Andrefana. Manompo azy ireto renirano tanisaina manaraka iretoː Mandranofotsy, Isandra, Ioninarivo, Fanindrona, Vodindrana, Mahatsaombato, Imatantika, Manambaroa, Manatsahala ary Bevoay.

Jereo koa[hanova | hanova ny fango]