Ginea Bisao

Avy amin'i Wikipedia
(tonga teto avy amin'ny Ginea-Bissau)
Sainan' i Ginea Bisao.

I Ginea Bisao dia firenena any Afrika Andrefana izay manana morontsiraka ao amin' ny Ranomasimbe Atlantika. Manana velarana mirefy 36 120 km² izy ka ny 28 000 km² tany maina fa ny 8 120 km² kosa ranomasina. I Bissau no renivohiny. Nisy mponina miisa 1 833 247 tao tamin' ny taona 2018. Atao hoe Bisaogineana ny vahoakan' io firenena io.

Sarintany maneho an' i Ginea Bisao sy ireo firenena manodidina azy.

Ny tapany iray amin' i Ginea Bisao dia eny amin' ny tanibe (2/3) izay tany lemaka a-morontsiraka be honahona sy be ala sy an-dembalemba rakotra hivoka aman-kazo maniry, fa ny ampahany sisa dia nosy (1/3) miisa 60 any ho any ao amin' ny tangoro-nosin' ny Bijagós ny ankamaroany.

I Ginea Bisao ao Afrika

Vondrom-poko maro no mamorona ny vahoakan' i Ginea Bisao, ka anisan' izany ny Balanta sy ny Peola ary ny Malinke. Manaraka ny fivavahan-drazana animista ny 65 %n' ny mponina ao Ginea Bisao, fa ny 30 % kosa Miozolmana (indrindra ny Peola sy ny Malinke) ary ny 5 % Kristiana.

Firenena mahantra i Ginea Bisao izay reraky ny trosa miavosa raha ampitahaina amin' ny zava-bokariny. Ny fambolena sy ny fiompiana no foto-piveloman' ny ankamaroan' ny mponina ao Ginea Bisao.

Ny fiteny pôrtogey no fiteny ôfisialy ao Ginea Bisao.

Jereo koa[hanova | hanova ny fango]

Firenena ao Afrika:

Afrika Atsimo - Alzeria - Angôla - Benîno - Borkina Fasô - Borondy - Bôtsoana - Ejipta - Eritrea - Esoatiny (Soazilandy taloha) - Etiôpia - Gabôna - Gambia - Ganà - Ginea - Ginea Bisao - Ginea Ekoatôrialy - Jibotỳ - Kamerona - Kapvera - Kenia - Kômôro - Kôtidivoara - Lezôtô - Liberia - Libia - Madagasikara - Malaoy - Malỳ - Maorisy - Maoritania - Marôka - Môzambika - Namibia - Nizera - Nizeria - Oganda - Repoblika Arabo Saharaoy Demôkratika - Repoblika Demôkratikan' i Kôngô - Repoblikan' i Afrika Afovoany - Repoblikan' i Kôngô - Roanda - Saô Tôme e Prinsipe - Seisely - Senegaly - Siera Leôna - Sodàna - Sodàna Atsimo - Sômalia - Sômalilandy - Tanzania - Tôgô - Tonizia - Tsady - Zambia - Zimbaboe


Kôntinenta eto an-tany