Animisma

Avy amin'i Wikipedia
Aller à la navigation Aller à la recherche
Alitara (na ôtely) animista ao amin' ny tanàna ambanivohitry ny Bôzô, any Mopti, Bandiagara, Maly, tamin' ny taona 1972.

Ny animisma dia finoana ny fananan' ny zavatra rehetra fanahy sy aina, ka tsy ny zavamananaina ihany izany fa ny zavatra hafa toy ny hazo, ny rivotra, sns. Inoana koa ao amin' ny animisma ny fisian' ny fanahy maro tsy hita maso izay mpiaro. Avy amin' ny teny latina hoe anima izay midika hoe "fanahy" na "aina" ny teny hoe animisma.

Ireo fanahy na aina ireo dia fisehoan' ny razana efa maty na fisehoan' ny fanahin' ny andriamanitra biby, izay afaka miasa amin' ity tontolo tsapa ity, na amin' ny lafiny tsara izany na amin' ny lafiny ratsy, izay anaovana fanompoam-pivavahana. Inoan' ny animista ny fisian' ny fiainana aorian' ny fahafatesana. Ny animisma dia hita amin' ny faritra maro eto ambonin' ny tany amin' ny kôntinenta rehetra.

Ny fisehoan' ny animisma[hanova | hanova ny fango]

Ny fetisisma[hanova | hanova ny fango]

Ny fetisisma dia fivavahana amin' ny zavatra heverina ho manana hery ambonin'  ny ara-boajanahary. Karazana animisma ny fetisisma.

Ny tôtemisma[hanova | hanova ny fango]

Ny tôtemisma dia finoana ny fisian' ny razana na fanahy mpiaro ny foko na vondrom-poko iray, izay mitoetra ao amin' ny atao hoe tôtema, izay mety zavatra voasokitra na biby na zavamaniry inoana fa manan-kasina. Karazana animisma koa ny tôtemisma.

Ny samanisma[hanova | hanova ny fango]

Amin' ny kolontsaina animista amin' ny faritra sasany dia afaka mifandray sy mifampiresaka amin' ny fanahy tsy hita maso ny velona amin' ny alalan' ny mpanelanelana atao hoe samàna (karazana mpimasy na ombiasa): izany no atao hoe samanisma.

Jereo koa[hanova | hanova ny fango]