Sodàna Atsimo
I Sodàna Atsimo na ny Repoblikan' i Sodàna Atsimo da firenena ao Afrika Atsinanana, tsy manana morontsiraka, manana velarana mirefy 619 745 km², ary niisa 11 483 374 ny mponina ao aminy tamin'ny taona 2020. I Juba (na Djouba amin' ny fanoratra frantsay) no renivohiny sady tanàna lehibe indrindra ao aminy. Atao hoe South Sudan na Republic of South Sudan izy amin' ny teny anglisy.
.svg)
Atao hoe Sodaney Tatsimo ny vahoaka' ity firenena ity. Taorian' ny fitsapan-kevi-bahoaka natao tamin' ny 9-15 Janoary 2011 no nisarahan' i Sodàna Atsimo amin' ny Repoblikan' i Sodàna tamin' ny 9 Jolay 2011. Taorian' io anefa dia mbola tsy nifanarahan' ny firenena roa tonta ny famaritana ny sisin-tany manasaraka azy ireo. Mamaritra azy avy ao avaratra i Sodàna, i Etiôpia no any atsinanana, i Kenià no any atsimo-atsinanana, Oganda no any atsimo, ny Repoblika Demokratikan'i Kôngô no any atsimo-andrefana, ary ny Repoblikan' i Afrika Afovoany no any andrefana.
Teo anelanelan' ny taona 2013 sy 2020, ity firenena ity dia nisehoana ady an-trano nahafaty olona maro sy niteraka ra mandriaka teo amin' ny mpomba ny filohan' ny Repoblika Salva Kiir sy ny filoha lefitra Riek Machar.
Tamin' ny taona 2021 dia i Sodàna Atsimo no firenena farany eran' izao tontolo izao amin' ny tondrom-pampandrosoana ny maha olona araka ny fanadihadiana nataon' ny Fandaharan' Asan' ny Firenena Mikambana momba ny Fampandrosoana (frantsay: Programme des Nations unies pour le développement - PNUD), izay manome azy ny isa 0,385, saika mihena hatrany hatramin' ny taona 2011.
Saika ny mponina rehetra ao no Nilôtika. Ny kristianisma no fivavahana be mpanaraka indrindra ao. Ny fiteny anglisy no fiteny ôfisialiny.
Jereo koa
[hanova | hanova ny fango]Firenena ao Afrika:
Afrika Atsimo - Alzeria - Angôla - Benino - Borkina Fasô - Borondy - Bôtsoana - Ejipta - Eritrea - Esoatiny (Soazilandy taloha) - Etiôpia - Gabôna - Gambia - Ganà - Ginea - Ginea Bisao - Ginea Ekoatôrialy - Jibotỳ - Kamerona - Kapvera - Kenia - Kômôro - Kôtidivoara - Lezôtô - Liberia - Libia - Madagasikara - Malaoy - Malỳ - Maorisy - Maoritania - Marôka - Môzambika - Namibia - Nizera - Nizeria - Oganda - Repoblika Arabo Saharaoy Demôkratika - Repoblika Demôkratikan' i Kôngô - Repoblikan' i Afrika Afovoany - Repoblikan' i Kôngô - Roanda - Saô Tôme e Prinsipe - Seisely - Senegaly - Siera Leôna - Sodàna - Sodàna Atsimo - Sômalia - Sômalilandy - Tanzania - Tôgô - Tonizia - Tsady - Zambia - Zimbaboe
Kôntinenta eto an-tany