Faritra Vakinankaratra

Faritra Vakinankaratra -
Fianarana no lova tsara
Firenena	Madagasikara
Faritany	Antananarivo
Renivohi-paritra	Antsirabe
Distrika	Miisa 7
Lehiben'ny faritra	Andriamasimanana Samuel Bertin
Fianarana no lova tsara
Velarantany	16 599 km2
Isam-ponina	1 803 307 mpo.
Hakitroky ny mponina	108,64 mpo/km2
Fianarana no lova tsara
Laharam-pehintany	-----
Laharan-jarahasina	-----

Ny Faritra Vakinankaratra dia anisan' ny faritra roa ambin' ny roapolo an' i Madagasikara. Any atsimon' ny Faritanin' Antananarivo no misy azy, eo anivon' ny Nosy. Ny renivohiny dia Antsirabe.

Tantara

Ny fanjakana Vakinankaratra, fantatra amin' ny anarana hoe ny Fanjakan' Andrantsay dia voaforon' Andrianony tamin' ny fanombohan' ny taonjato faha-17, Andrantsay dia andriana avy any Alasora, any atsimon' Antananarivo. Nandritry ny ela, ny fanjakan' Andrantsay dia any Fivavahana, any amin' ny faritanin' i Betafo. Ny anara-mponina nentiny tamin' izany fotoana izany dia "Betsileo", anarana ho entin' ny mifanila aminy any atsimo. Ny tampon-tanjaky ny Fanjakan' Andrantsay dia mety tany amin' ny taonjato faha-18 tany ho any. Ny fianjadiany dia nivelatra hatrany Menabe Sakalava, nihetsika noho ny fihetsehan' ny andriany ny mponina. Ny mpanjaka lehibe an' Andrantsay dia Andriamanalinarivo, teo an-tseza tamin' Andrianampoinimerina, miaraka amin' ny andriana Radama nanomboka ny ady tamin' ny fanombohan' ny taonjato faha-19. Hatrizay, ao amin' ny Fanjakana merina ny fanjakan' Andrantsay, ary Vakinankaratra no anarany vaovao. Isan' Imerina enin-toko izy nanomboka tamin' Andrianampoinimerina (1787-1810), ka ny fizaràna dimy hafa Avaradrano, i Vakinisisaony, i Marovatana, Ambodirano, ary i Vonizongo.

Tamin' ny andron' ny fanjanahantany, nafindra tany Antsirabe ny renilaka, lasa tanàna manan-danja fantatra amin' ny hatsiaka ny toe-taniny sy ny toetran' ny ranony.

Jeôgrafia

Ny faritra Vakinankaratra dia voazara kaominina 26 sy distrika enina :

• Distrikan'Ambatolampy
• Distrikan'Antanifotsy
• Distrikan'Antsirabe I
• Distrikan'Antsirabe II
• Distrikan'i Betafo
• Distrikan'i Faratsiho
• Distrikan'i Mandoto

Jereo koa

Faritany sy faritra eto Madagasikara: Faritanin' Antananarivo (Faritra Itasy - Analamanga - Bongolava - Vakinankaratra) - Faritanin' Antsiranana (Faritra Diana - Sava) - Faritanin' i Fianarantsoa (Faritra Atsimo-Atsinanana - Amoron'i Mania - Ihorombe - Matsiatra Ambony - Vatovavy-Fitovinany) - Faritanin' i Mahajanga (Faritra Boeny - Betsiboka - Melaky - Sofia) - Faritanin' i Toamasina (Faritra Alaotra-Mangoro - Analanjirofo - Atsinanana) - Faritanin' i Toliara (Faritra Atsimo-Andrefana - Anosy - Androy - Menabe)

Rohy ivelany

• ((fr)) Sehatra ofisialy Archived Jiona 15, 2009 at the Wayback Machine