Adnakiela
I Adnakiela dia anjely ao amin' ny lovantsofin' ny kristianisma sy ny jodaisma, anjelin' ny fahaleovantena[1]sy ny fahamarinana, resahina ao amin' ny soratra ôkoltista sy ezôterika isan-karazany, indrindra amin' ny fanandroana sy amin' ny anjelôlôjia. I Adnakiela no mifehy ny evan' ny zôdiaka Sagittarius (Mpitifitra amin' ny Tsipìka na Alakaosy)[1] sy mifandray amin' ny volana Nôvambra. Atao hoe אדנכיאל / Adnachiel ny anarany amin' ny teny hebreo. Mijoro ho an' ny fahamarinan-toetra i Adnakiela, anisan' izany ny fahalalahana[1]. Heverina ho mpitari-dalana sy mpiaro an' ireo izay mikatsaka faravodilanitra vaovao sy fahamarinany manokana izy.
Mombamomba azy
[hanova | hanova ny fango]Ny anarany
[hanova | hanova ny fango]Atao hoe אדנכיאל / Adnachiel ny anarany amin' ny teny hebreo. Mijoro ho an' ny fahamarinan-toetra i Adnakiela, anisan' izany ny fahalalahana[1]. antsoina koa hoe Adoakiela (Aduachiel) sy Advakiela (Advachiel) I Adnakiela[1].
Toetoetrany
[hanova | hanova ny fango]I Adnakiela dia heverina ho mpitari-dalana sy mpiaro ireo izay mikatsaka lalana vaovao, miezaka mandray andraikitra ary mitady fahaleovantena. Mamporisika ny fikarohana zava-baovao sy ny fikatsahana ny maha-izy-azy ny tenany izy. Ao amin' ny fanandroana dia matetika i Adnakiela no mifandray amin' ny evan' ny Sagittarius (Mpitifitra amin' ny Tsipìka na Alakaosy), famantarana afo mifandray amin' ny fanantenana, amin' ny andrankandrana mahafinaritra sy amin' ny fikarohana ny fahamarinana. Izy koa dia mifandray amin' ny volana Nôvambra, izay vanim-potoana tetezamita sy fiomanana amin' ny ririnina (any amin' ny ilabolantany avaratra).
Misy mpanoratra sasany milaza fa anjely manampy hamantatra ny fahamarinana sy hanala sarona ny lainga izy. Azo tokavina izy mba hahazoana fanazavana sy fitarihana amin' ny toe-javatra misafotofoto na mamitaka. Resahina ao amin' ny grimoara sy lahatsoratra momba ny ôkoltisma i Adnakiela ka lazaina izy fa anjely mahery sy tsara fanahy. Na izany aza dia mety tsy mitovy ny fampahafantarana marina momba ny toetrany sy ny asany, arakaraka ny loharano.
Jereo koa
[hanova | hanova ny fango]- Sora-tsikidy - Kabala
- Evan' ny zôdiaka: Ondrilahy, Ombilahy, Kambana, Foza, Liona, Virijiny, Mizana, Maingoka, Mpitifitra Tsipika, Tandrok' Osy, Mpitondra Rano, ary Hazadrano.
- Planeta (araka ny fanandroana): Masoandro, Volana, Merkiora, Venosy, Tany, Marsa, Jopitera, Satiorna, Oranosy, Neptiona.
- Andriamanitra - arkanjely - anjely - fanahy (ao amin' ny fanandroana sy ny sikidy): Adnakiela - Agiela - Ambriela - Anaela - Apôlôna - Asmôdela - Atena - Barbiela - Barkiela - Bartsabela - Diana - Gabriela - Grafiela - Hagiela - Hamaliela - Hanaela - Hasmôday (na Asmôdeo) - Hismaela - Jôfiela - Jonô - Jopitera - Kasiela - Kedemela - Keresy - Malkidaela - Marsa - Merkiora - Mikaela - Moriela - Nakiela (Nakhiel)[2] - Neptiona - Rafaela - Sakiela - Samaela - Sarakiela (Sarachiel) - Satiorna - Sôrata (Sorath)[3] - Taftartarata - Tiriela (Tiriel)[3] - Venosy - Verkiela - Vesta - Volkano - Zazela - Zoriela