Aller au contenu

Subjonctif plus-que-parfait

Avy amin'i Wikipedia

Ny subjonctif plus-que-parfait dia filazam-potoana ao amin' ny filaza ifampiankinana (mode subjonctif) ao amin' ny fitsipiteny frantsay izay iresahana indrindra fisehoan-javatra heverina amin' ny fahavitany (fanehoan-javatra efa), miankina amin' ny finiavana na fanerena, zavatra tsy azo antoka na an' eritreritra fotsiny fa tsy tena misy, mahakasina ny fotoana lasa indrindraindrindra, nefa azo ampiasaina koa hiresahana ny ankehitriny na ny hoavy. Amin' ny fitenenana frantsay ankehitriny dia lasa misolo subjonctif plus-que-parfait ny subjonctif passé (toy ny subjonctif présent izay misolo ny subjonctif imparfait) ka tsy mahalaza fotoana intsony fa manamarika ny fanehoan-javatra efa.

Ny pejy "Subjonctif (ao amin' ny teny frantsay)" no maneho ny hevitra tiana hambara sy ny antony isafidianana ny subjonctif fa tsy filaza (mode) hafa. Ferana amin' ny antony isafidianana ny subjonctif plus-que-parfait fa tsy ny filazam-potoana hafan' ny subjonctif ny resaka atao eto.

Fotoana sy fanehoan-javatra ao amin' ny subjonctif plus-que-parfait[hanova | hanova ny fango]

Raha misy ny fandrindrana filazam-potoana[hanova | hanova ny fango]

Raha misy ny fandrindrana filazam-potoana, ny filazam-potoana mahakasika ny lasa ao amin' ny fehezankevitra iankinana dia mitaky ny fampiasana ny subjonctif imparfait na ny subjonctif plus-que-parfait. Indreto ny filazam-potoana mahakasika ny lasa: ny lasa: imparfait de l'indicatif, passé simple, plus-que-parfait de l'indicatif. Tsy anisany ny passé composé na dia mandray roa aza (voafetra amin' ny fampiasana ny subjonctif présent sy ny subjonctif passé). Ny maha hentitra na tsia ny tian-ko lazaina amin' ny fampiasana ny subjonctif plus-que-parfait dia miankina amin' ny fehezankevitra iankinana.

Amin' ny ankapobeny dia filazam-potoana mahakasika ny ankehitriny sy ny hoavy ny conditionnel présent sy ny conditionnel passé na dia mitaky fampiasana ny subjonctif imparfait sy ny subjonctif plus-que-parfait aza.

Ohatra:

  • S'il y eût échoué, il n'y fût pas revenu.
  • Quand bien même il fût venu à l'avance, il ne l'eût pas trouvé.
  • Il était nécessaire que tu eusses parlé.
  • Je regrettais que tu eusses agi ainsi.
  • J'aurais aimé que tu l'eusses fait.

Raha tsy misy ny fandrindrana filazam-potoana[hanova | hanova ny fango]

Raha tsy misy ny fandrindrana filazam-potoana, nefa ny mpiteny na ny mpanoratra mampiasa ihany ny subjonctif plus-que-parfait (sy ny subjonctif imparfait), ny filazam-potoana mahakasika ny ankehitriny na ny hoavy ao amin' ny fehezankevitra iankinana dia mety mitaky fampiasana ny subjonctif plus-que-parfait na ny subjonctif imparfait ao amin' ny fehezankevitra miankina, raha tiana hohalefahina ny filazan-javatra.

Indreto ny filazam-potoana mahakasina ny ankehitriny na ny hoavy: présent de l'indicatif, passé composé, futur simple ary futur antérieur. Ny conditionnel présent sy ny conditionnel passé rahateo dia tokony mitaky fampiasana subjonctif plus-que-parfait na ny subjonctif imparfait.

Ohatra:

  • Tout le monde a peur que la troupe envoyée en renfort n'eût pas été à leur tour repoussée.

Jereo koa[hanova | hanova ny fango]

Loharano sy fanamarihana[hanova | hanova ny fango]