Passé antérieur
Ny passé antérieur dia filazam-potoana ao amin' ny filaza tsotra (mode indicatif) ao amin' ny fitsipiteny frantsay ampiasaina amin' ny fitantarana zavatra vita haingana aloha kelin' ny fotoana iray voatondro na aloha kelin' ny fisehoan-javatra iray hafa ao amin' ny fotoana lasa, izay samy tsy misy ifandraisany amin' ny fotoana ankehitriny.
Fampiasana ny passé antérieur
[hanova | hanova ny fango]Filazana ny fahavitana mialoha
[hanova | hanova ny fango]Ny passé antérieur dia ampiasaina amin' ny fitantarana fisehoan-javatra vita alohan' ny fisehoan-javatra iray hafa ao amin' ny fotoana lasa, izay samy tsy misy ifandraisany amin' ny fotoana ankehitriny na amin' ny fotoana itenenana, ary heverina ho tsy misy elanelam-potoana firy ny fahavitan' ireo fisehoan-javatra roa ireo. Atao amin' ny passé simple. ny matoanteny manambara io fisehoan-javatra faharoa io.
Ohatra:
- Après qu'il eut mangé la chaire, il brûla les os.
- Dix ans après qu'il eut quitté le pays, il y revint.
- Le roi eut décidé de châtier les coupables. Les courtisans craignirent pour leur vie.
Filazana ny fahavitana haingana
[hanova | hanova ny fango]
Raha ampiasaina anaty fehezankevitra tsy miankina ara-drafitra na ara-kevitra amina fehezankevitra hafa ny passé antérieur dia manambara fahavitana tanteraka sy haingana.
Ohatra:
- Et le drôle eut lapé le tout en un moment. (La Fontaine, Le Renard et la Cigogne)
- En quelques minutes, il eut atteint le sommet et commença à descendre.
Fampiasana ny passé antérieur sy ny plus-que-parfait de l'indicatif
[hanova | hanova ny fango]Ny fisian' ny passé antérieur ao amin' ny fiteny frantsay dia ahafahana mandahatra matoanteny telo ka ny iray amin' ny plus-que-parfait de l'indicatif (iresahana ny zava-niseho lavitra indrindra), ny faharoa amin' ny passé antérieur (iresahana ny zava-niseho akaiky indrindra), ary fagatelo amin' ny passé simple (iresahana ny zava-nisdeho mifanandrify amin' ny fotoana heverina).
Ohatra:
- Quand ils eurent capturé l'homme qui avait commis l'acte, ils quittèrent la ville.
Jereo koa
[hanova | hanova ny fango]- Filazam-potoana ao amin' ny filaza tsotra (mode indicatif) ao amin' ny fitsipiteny frantsay: présent de l'indicatif, passé composé, imparfait de l'indicatif, passé simple, plus-que-parfait de l'indicatif, passé antérieur, futur simple, futur antérieur, futur simple du passé, futur antérieur du passé.
- Filazam-potoana ao amin' ny filaza ifampiankinana (mode subjonctif) ao amin' ny fitsipiteny frantsay: subjonctif présent, subjonctif passé, subjonctif imparfait, subjonctif plus-que-parfait
- Filazam-potoana ao amin' ny filaza mihonohono (mode conditionnel) ao amin' ny fitsipiteny frantsay: conditionnel présent, conditionnel passé
- Filazam-potoana ao amin' ny filaza mandidy (mode impératif) ao amin' ny fitsipiteny frantsay: impératif présent, impératif passé
- Filazam-potoana ao amin' ny filaza tsy mitanisa (mode infinitif) ao amin' ny fitsipiteny frantsay: infinitif présent, infinitif passé
- Filazam-potoana ao amin' ny ova-matoanteny (mode participe) ao amin' ny fitsipiteny frantsay: participe présent, participe passé