Kômôriana eto Madagasikara
Ny Kômôriana eto Madagasikara dia ireo mponina avy ao amin' ny Tamba-nosin' i Kômôro sy ny taranak' izy ireo izay nifindra monina eto Madagasikara nanomboka tamin' ny vanimpotoana faha mpanjaka sy tamin' ny vanimpotoan' ny fanjanahantany frantsay.
Tantara[hanova | hanova ny fango]
Tombanana ho eo anelanelan' ny 80 000 sy 100 000 ny isan' ny Kômôriana monina any ivelan' i Kômôro; nandritra ny fanjanahantany, ny ankamaroan' izy ireo dia nonina tao Tanzania sy teto Madagasikara, ary tao amin' ny faritra hafa any atsimo-atsinanana amin' i Afrika. Nihena be ny isan' ny Kômoriana nonina eto Madagasikara taorian' ny korontana namonoan' ny Betsirebaka ny Kômôriana tamin' ny Desambra 1976 tao Mahajanga, izay nahafatesana Kômoriana misa 1 400 fara-fahakeliny. Nahatratra 17 000 ny Kômôriana nandao an' i Madagasikara mba hitady fialofana tany an-tanindrazany tamin' ny taona 1977 fotsiny.
Toe-javatra ankehitriny[hanova | hanova ny fango]
Misy karazany roa ny Kômôriana eto Madagasikara, dia ireo izay efa manana ny zom-pirenena malagasy (izany hoe Malagasy manam-piaviana kômôriana) sy ireo tsy manana zom-pirenena (tsy mizaka zom-pirenena na inona na inona). Iretsy farany dia miisa eo anelanelan' ny 70 000 sy 120 000[1][2]. Mozilmana ny ankamaroan' ny Kômôriana eto Madagasikara, izay manatevina ny fikambanana Silamo Malagasy.
Araka ny Joshua Project dia toy izao ny isan' ny Kômôriana eto Madagasikara (anatin' izany ny Mahôry): Mahôry (avy ao Mayotte): 6 200, Moaly (avy ao Mwali): 2 000, Njoany (avy ao Nzwani): 16 000, Ngazija (avy ao Ngazidja): 17 000 (amin' ny mponina rehetra miisa 30 326 000 eto Madagasikara)[3]; raha atotaly izany dia manome 41 200, izany hoe 0,14 % eo ho eo.
Jereo koa[hanova | hanova ny fango]
- Ny foko eto Madagasikara: Antefasy - Antemoro - Antesaka - Antankarana - Antambahoaka - Antandroy - Antanosy - Bara - Beosy - Betsimisaraka - Betsileo - Bezanozano - Mahafaly - Makoa - Masikoro - Merina - Mikea - Sakalava - Sihanaka - Tanala - Tsimihety - Vezo - Zafimaniry - Zafisoro.
- Ny vahoaka hafa eto Madagasikara: Sinoa eto Madagasikara - Vazaha eto Madagasikara - Karàna - Kômôriana eto Madagasikara
- Ny Malagasy any ivelany: Malagasy am-pielezana any Frantsa
- Kômôro
- Zom-pirenena malagasy
- Silamo eto Madagasikara
Loharano sy fanamarihana[hanova | hanova ny fango]
- ↑ Bertelsmann Stiftung (2020). Bertelsmann Stiftung's Transformation Index: 2020 Country Report — Madagascar (PDF) (Report). Gütersloh, Germany: Bertelsmann Stiftung, p. 6 (tahiry).
- ↑ McInerney, Caroline (January 2014). "Accessing Malagasy Citizenship: The Nationality Code and Its Impact on the Karana". Tilburg Law Review. Tilburg, Netherlands: Tilburg University Law School. 19 (1–2): 182–193 (p. 186).
- ↑ "Country: Madagascar", Joshua Project (notsidihina tamin' ny 10 Jolay 2023).