Maiôty

I Maiôty

I Maiôty na Maôry dia tamba-nosy departemanta frantsay any andrefan'ny tamba-nosy Kômôro, any avaratra andrefan'i Madagasikara. Ao amin'ny lakandranon'i Mozambika no misy azy; ny renivohiny dia Mamoudzou, ny tanàna lehibe indrindra. Ilay faritra dia manana nosy kely maromaro: i Mtsamboro, i Mbouzi ary i Bandrélé; ny kaody ara-departemanta ofisialiny dia 976. Misy telo ny fitenin'ny olona ao, dia ny fiteny frantsay (fiteny indô-eorôpeana) sy ny fiteny simaôre (fiteny banto) ary ny fiteny sibosy (fiteny aostrôneziana). Amin'ny teny frantsay i Maiôty ia atao hoe Mayotte, fa amin'ny fiteny simaore kosa dia Maore.

Navarotr'i Andriantsoly tamin'ny Frantsay ilay nosy tamin'ny 25 Avrily 1841. Tamin'ny taona 1886 dia nivadika protektorata ny nosin'i Kômôro Lehibe (na Ngazija) sy i Mohely (na Moaly) ary i Anjoany (Njoany) izay lohavin'ny governeran'i Maiôty. Nivadika departemanta andafin'i Frantsa i Maiôty ny 30 Martsa 2011.

Jereo koa

Nosy ao amin'ny Tamba-nosin'i Kômôro:

• Ngazija (na Kômôro Lehibe)
• Njoany (na Anjoany)
• Moaly (na Môhely)
• Maôry (na Maiôty).

Hafa:

• Frantsa
  • Departemanta andafy
• Madagasikara
  • Andriantsoly