Adaoro

Avy amin'i Wikipedia
Sauter à la navigation Sauter à la recherche
Ny evan'ny Adaoro

Ny Adaoro no vintana faharoa ao amin'ny fanandroana manaraka ny zodiaka. Ny Alahamady no eo alohany ary ny Adizaoza no manaraka azy.

Fiavian'ilay anarana[hanova | hanova ny fango]

Avy amin'ny anaran'antokon-kintan'ny zodiaka amin'ny teny arabo hoe اثور / Ath-Thur na Ath-Thaur ("ombilahy") ny hoe Adaoro.

Manondro ny antokon-kintana atao amin'ny teny latina sy anglisy hoe Taurus na amin'ny teny frantsay hoe Taureau ny hoe Adaoro. Amin'ny teny soahily izy dia atao hoe Ng'ombe fa amin'ny teny maley kosa dia Lembu Jantan na Kerbau Jantan.

Ny antokon-kintana Adaoro na Ombilahy

Ny antokon-kintana Adaoro sy ny zodiaka[hanova | hanova ny fango]

Ny fotoana andalovan'ny masoandro ao amin'ny fari-danitry ny antokon-kintan'ny Adaoro dia amin'ny 13 Mey hatramin'ny 21 Jona. Ny fari-potoan'ny Adaoro araka ny zodiakan-kintana dia eo amin'ny 16 Mey hatramin'ny 15 Jona. Ny Adaoro ao amin'ny zodiaka mikisaka dia avy eo amin'ny 21 Mey ka miafara amin'ny 20 Jona. Ny fanandroana malagasy dia tsy mifanaraka amin'ireo noho izy miandry tsinam-bolana.

Alahamady Adaoro Adizaoza
Antokon-kintana 18 Avrily - 13 Mey 13 Mey - 21 Jona 21 Jona - 20 Jolay
Zodiakan-kintana 15 Avrily - 15 Mey 16 Mey - 15 Jona 16 Jona - 15 Jolay
Zodiaka mikisaka 21 Marsa - 20 Avrily 21 Avrily - 20 Mey 21 Mey - 21 Jona
Ombilahy

Ao amin'ny fanandroana malagasy[hanova | hanova ny fango]

Ao amin'ny fanandroana malagasy dia vintana faharoa ny Adaoro ka ny tapany avaratra amin'ny rindrin-trano atsinanana no toerana omena azy. Zanabintana ny Adaoro. Inoana ho andron'afo na andro mandoro ny Adaoro. Mifandratra amin'ny Alakarabo sady mihataka miarina eo amin'ny Adimizana ny Adaoro.

Misy amin'ny Malagasy ny mandray ny volana Adaoro ho volana faharoa amin'ny taona ao amin'ny tetiandro malagasy (raha ny Alahamady no ataony volana voalohany).

Jereo koa:[hanova | hanova ny fango]