Alakarabo

Avy amin'i Wikipedia
Sauter à la navigation Sauter à la recherche
Ny evan'ny Alakarabo

Ny Alakarabo no vintana fahavalo amin'ny fanandroana manaraka ny zodiaka. Ny Adimizana no eo alohany ary ny Alakaosy no manaraka azy.

Ny fiavian'ilay anarana[hanova | hanova ny fango]

Maingoka

Avy amin'ny anaran'antokon-kintan'ny zodiaka amin'ny teny arabo hoe اعقرب / Al-Akrab ("maingoka") ny hoe Alakarabo.

Manondro ny antokon-kintana atao amin'ny teny latina sy anglisy hoe Scorpius na amin'ny teny frantsay hoe Scorpion ("maingoka"). Amin'ny fiteny soahily dia atao hoe Akarabu na Nge io antokon-kintana io. Amin'ny teny maley dia atao hoe Akrab na Kala ihany koa izy.

Ny antokon-kintana Alakarabo sy ny zodiaka

Eo amin'ny 20 Novambra hatramin'ny 29 Novambra ny fotoana andalovan'ny masoandro ao amin'ny fari-danitry ny antokon-kintana Alakarabo. Amin'ny 23 Oktobra hatramin'ny 22 Novambra ny fari-potoan'ny Alakarabo ao amin'ny zodiaka mikisaka fa amin'ny 16 Novambra hatramin'ny 15 Desambra izany araka ny zodiakan-kintana. Tsy mifanaraka amin'ireo ny fanandroana malagasy noho izy miandry tsinam-bolana.


Ao amin'ny fanandroana malagasy[hanova | hanova ny fango]

Ao amin'ny fanandroana malagasy dia vintana fahavalo koa izy ka ny tapany atsimo amin'ny rindrin-trano andrefana no toerana omena azy. Zanabintana ny Alakarabo. Araka ny finoan-drazana malagasy dia vintana tsara ny Alakarabo satria andron'ny fahavokarana. Miarina eo amin'ny Alahamady sady mifandratra amin'ny Adaoro ny vintana Alakarabo. Isan'ny olona teraka tamin'ny vava Alakarabo ny mpanjaka Ranavalona II.

Misy amin'ny Malagasy ny mandray ny volana Alakarabo ho volana fahavalo amin'ny taona ao amin'ny tetiandro malagasy (raha ny Alahamady no ataony volana voalohany).

Jereo koa:[hanova | hanova ny fango]