Alakarabo

Avy amin'i Wikipedia
Aller à la navigation Aller à la recherche
Gealypic5.JPG

Ny Alakarabo no vintana fahavalo amin' ny fanandroana malagasy. Ny Adimizana no eo alohany ary ny Alakaosy no manaraka azy. Ny tapany atsimo amin' ny rindrin-trano andrefana no toerana omena azy[1].

Ny fiavian' ilay anarana[hanova | hanova ny fango]

Ny fiavian' ilay anarana[hanova | hanova ny fango]

Avy amin' ny anaran' antokon-kintan' ny zodiaka amin' ny teny arabo hoe اعقرب / Al-Akrab ("maingoka") ny hoe Alakarabo.

Manondro ny antokon-kintana atao amin' ny teny latina sy anglisy hoe Scorpius na amin' ny teny frantsay hoe Scorpion ("maingoka"). Amin' ny fiteny soahily dia atao hoe Akarabu na Nge io antokon-kintana io. Amin' ny teny maley dia atao hoe Akrab na Kala ihany koa izy.

Antokon-kintan'ny Maingoka

Ny antokon-kintana Maingoka sy ny zôdiaka[hanova | hanova ny fango]

Eo amin' ny 20 Novambra hatramin' ny 29 Novambra ny fotoana andalovan' ny masoandro ao amin' ny fari-danitry ny antokon-kintana Maingoka. Amin' ny 23 Oktobra hatramin' ny 22 Novambra ny fari-potoan' ny Maingoka ao amin' ny zôdiaka mikisaka fa amin' ny 16 Novambra hatramin' ny 15 Desambra izany araka ny zôdiakan-kintana. Tsy mifanaraka amin' ireo ny fanandroana malagasy noho izy miandry tsinam-bolana.

Ny vintana Alakarabo[hanova | hanova ny fango]

Toerany[hanova | hanova ny fango]

Ao amin' ny fanandroana malagasy dia vintana fahavalo koa izy ka ny tapany atsimo amin' ny rindrin-trano andrefana no toerana omena azy. Zanabintana ny Alakarabo. Miarina eo amin' ny Alahamady sady mifandratra amin' ny Adaoro ny vintana Alakarabo.

Fombany[hanova | hanova ny fango]

Araka ny finoan-drazana malagasy dia vintana tsara ny Alakarabo satria andron' ny fahavokarana.

Vava Alakarabo[hanova | hanova ny fango]

Tokony misoronana akondro vokatra ny olona amin'ny vava Alakarabo amin' ny maha vintam-bokatra azy. Ny zazavavy teraka vava Alakarabo dia ho maro anaka fa ny zazalahy kosa ho tratra antitra. Voalaza fa teraka tamin' ny vava Alakarabo ny mpanjaka Ranavalona II.

Vody Alakarabo[hanova | hanova ny fango]

Ny zazavavy teraka vody Alakarabo dia ho maro anaka ihany koa ary ny zazalahy ho tratra antitra.

Ny volana Alakarabo[hanova | hanova ny fango]

Misy amin' ny Malagasy ny mandray ny volana Alakarabo ho volana fahavalo amin' ny taona ao amin' ny tetiandro malagasy (raha ny Alahamady no ataony volana voalohany). Manomboka amin'ny vava Alakarabo ka miafara amin' ny vody Adimizana ny volana Alakarabo raha misy 28 andro. Raha tsy tsinanam-bolana ny andro aorian' ny vody Adimizana dia miafara amin' ny vava Alakarabo ny volana izay misy 29 andro; raha mbola tsy tsinana aorian' io vava Alakarabo io dia mifarana amin' ny vody Alakarabo ny volana izay misy 30 andro. Isan' ny olona teraka tamin' ny vava Alakarabo ny mpanjaka Ranavalona II.

Jereo koa[hanova | hanova ny fango]

Vintana ao amin' ny fanandroana malagasy:

Evan' ny zôdiaka:

Antokon-kintan' ny zôdiaka:

Loharano sy fanamarihana[hanova | hanova ny fango]

  1. "Alakarabo", ao amin'ny Rakibolana malagasy sy Rakipahalalàna momba an'i Madagasikara.