Lalàn' i Mosesy
Ny lalàn' i Mosesy na lalàn' i Môizy, izay hafohezina indraindray amin' ny hoe Lalàna, dia fitambaran' ny fitsipika sy fampianaraha tokony harahina nomen' Andriamanitra ny vahoakan' i Israely tamin' ny alalan' i Mosesy (na Môizy), izay voasoratra ao amin' ny Torah (na Pentateoka).
Atao hoe תֹּורַת מֹשֶׁה / Torat Moshé, izany amin' ny teny hebreo fa Nόμος Μωυσῆ / Nómos Mōusē kosa amin' ny teny grika (ao amin' ny Septoajinta)
Ny lalàn' i Mosesy dia nomen' i Iahveh ny Israelita, araka ny Bokin' ny Eksôdôsy na Eksaody (Eks. 19.5-6). Ny lalàn' i Mosesy dia miantso ho amin' ny firahalahiana eo amin' ny samy Israelita (na samy Jiosy) izay mitandrina ny lalàna. Mametraka ny fototry ny kolontsaina jiosy taloha izay manome lanja ny samy Jiosy izany.