Slôvakia
I Slôvakia firenena ao Eorôpa. Ny renivohiny dia i Bratislava. Ny tanàna lehibe indrindra dia ny renivohiny. Mirefy 49 035 km2 ny velaran-taniny ary miisa 5 410 836 ny mponina ao aminy araka ny fanisana natao tamin' ny taona 2012. Ny faritr' ora dia +1.
I Slôvakia dia eo anelanelan’ i Hôngria sy i Pôlônia. Mizara sisin-tany amin’ ny Repoblika Tseka, izay nitambatra taminy tao amin’ i Tsekôslôvakia hatramin’ ny taona 1993, koa izy, Firenena be tendrombohitra izy, ary saika ny antsasaky ny taniny no rakotra ala.
Nanomboka tamin’ ny fivakisan’ i Tsekôslôvakia dia nanatanteraka fanavaozana ara-toekarena lehibe i Slôvakia, nefa milanto kokoa noho ny an’ i Tsekia izany. Kely kokoa ny fampiasam-bola vahiny ao aminy ary nampandroso ny toekarenanany araka ny an’ ireo firenena ao amin’ ny Vondrona Eorôpeana izy.
Ny Hongariana no nanjakazaka tamin’ ny faritra misy an’ i Slôvakia, ka hatramin’ ny taona 1918 dia lasa faritra ao amin’ ny Empira Aostrô-Hongariana, nentin’ ny Habsborga, izy. Taorian’ ny Ady Lehibe Voalohany dia rava ny Empira Aostrô-Hôngariana. Nitambatra ny Tseka sy ny Slôvaka ka namorona fanjakana mahaleo tena antsoina hoe Repoblikan' i Tsekôslôvakia, nefa niharatsy haingana ny fifandraisan’ izy ireo: nanohitra ny hanaovana ny fiteny tseka ho fiteny manan-tombony sy nanohitra ny handraisan’ ny Tseka andraikitra be kokoa ao amin’ ny fitondram-panjakana ny Slôvaka. Tamin’ ny taona 1939 dia nanao fifidianana ny Slôvaka ka nandany ny hahazoany fahaleovan-tena sady nisafidy ny fananganana fitondrana fasista, nefa nanafika an’ ity firenena ity ny Alemana. Taorian’ ny ady dia niorina indray i Tsekôslôvakia ka niova ho firenena demôkratika enti-bahoaka notarihin’ ny fitondram-panjakana kômonista naka tahaka ny Firaisana Sôvietika. Tamin’ ny taona 1968 dia nanafay ny Lohataonan’ i Prague, izay andrana fampanjakana ny demôkrasia tao amin’ io firenena io, ny tafika ao amin’ ny Dinan’ i Varsovia izay tafika miara-dia amin’ ny Frasana Sôvietika. Taorian’ ny nahazoan’ i Mikhaïl Gorbatchev ny fahefana, izay nanatanteraka fanavaozana, dia nizotra moramora tamim-pilaminana mankany amin’ ny fitodrana demôkratika i Tsekôslôvakia: izany no atao hoe "Fiovam-penitra malabolambo" (frantsay "Révolution de velours"). Ilay mpanoratra Václav Havel no lasa filoham-pirenena tamin’ ny taona 1989. Tamin’ ny 1 Janoary 1993 anefa dia nivaky i Tsekôslôvakia ka teraka ny Repoblika Tseky sy i Slôvakia. Tamin’ ny taona 2004 no niditra ho mpikambana ao amin’ ny Vondrona Eorôpeana i Slôvakia.
Jereo koa[hanova | hanova ny fango]
Firenena ao Eorôpa
Albania - Alemaina - Andôra - Aotrisy - Belzika - Bielôrosia - Bolgaria - Bôsnia-Herzegôvina - Danemarka - Espaina - Estônia - Fanjakana Mitambatra - Finlandy - Frantsa - Grisia (na Gresy) - Hôngria (na Hongaria) - Irlanda - Islandy - Italia - Jeôrjia - Kipra (na Sipra) - Krôasia (na - Krôatia) - Letônia - Liktenstaina - Litoania - Loksemborga - Masedônia Avaratra (na Makedônia Avaratra)- Malta - Môldavia - Môntenegrô - Nederlandy - Nôrvezy - Okraina - Pôlônia - Pôrtogaly - Tsekia - Romania - Rosia - San-Marîno - Serbia - Slôvakia - Slôvenia - Soeda - Soisa - Tsekia - Vatikàna.
Kôntinenta eto an-tany
