Romania

Avy amin'i Wikipedia
Sainan' i Romania
Sarin-tany maneho an 'i Romania ao Eorôpa

I Romania dia firenena ao Eorôpa Atsinanana, manana morontsiraka kely ao amin’ ny Ranomasina Mainty. Ny renivohiny dia i Bucharest. Ny tanàna lehibe indrindra dia ny renivohiny. Mirefy 238 391 km2 ny velaran-taniny ary miisa 20 121 641 ny mponina ao aminy. Ny faritr' ora dia +2.

Maneinerina eo amin’ ny vohon-tanin’ i Romania, izay ahitana tendrombohitra sy havoana ary tany lemaka, ny Tangoron-mbohitra Karpatiana. Rakotra ala ny 30 %n’ ny velaran-tanin’ i Romania. I Danuba no ony lehibe indrindra any, izay manasaraka an’ i Romania amin' i Bolgaria ao atsimo. Maro isan-karazany ny biby any: ao amin’ ireo tendrombohitra Karpatiana no ahitana ny lambo, ny lopa, ny linksa, ny amboahaolo, ny ropikapra, ny orsa; ao amin’ ny vinanihefak’ i Danuba dia ahitana ny trondro estorjiona, ny amalona, ny vorona mpifindra monina ary ny gisandranon’ i Eorôpa.

Ny 90 %n’ ny mponina ao Romania dia Romaniana. Ny Hongariana sy ny Rôma ary ny Alemàna no vahoaka vitsy anisa ao. Ny ankamaroan’ ny mponina dia Kristiana, ka ny Kristiana ôrtôdôksa no maro anisa; ny fivavahana hafa misy ao koa dia ny jodaisma sy ny silamo.

Mifototra amin’ ny taozava-baventy ny toekaren’ i Romania, izay naka tahaka ny toekaren’ ny Firaisana Sôvietika: vokarina any ny solitany, ny fanamboarana mekanika, ny simia, ny fitrandrahana sy fanefena metaly (indrindra ny vy sy ny vy anidina ary ny tsỳ).

Tao amin’ ny vondrom-pirenena tatsinanana izay notarihn' ny Firaisana Sôvietika i Romania, izay nahita fiovana endri-pitondrana tampoka tamin’ ny taona 1989. Nanomboka tamin’ io taona io dia nandalo tetezamita mankany amin’ ny toekaren-tsena i Romania. Niditra ho mpikambana ao amin’ ny Vondrona Eorôpeana izy tamin’ ny taona 2007.

Jereo koa[hanova | hanova ny fango]

Firenena ao Eorôpa

Albania - Alemaina - Andôra - Aotrisy - Belzika - Bielôrosia - Bolgaria - Bôsnia-Herzegôvina - Danemarka - Espaina - Estônia - Fanjakana Mitambatra - Finlandy - Frantsa - Grisia (na Gresy) - Hôngria (na Hongaria) - Irlanda - Islandy - Italia - Jeôrjia - Kipra (na Sipra) - Krôasia (na - Krôatia) - Letônia - Liktenstaina - Litoania - Loksemborga - Masedônia Avaratra (na Makedônia Avaratra)- Malta - Môldavia - Môntenegrô - Nederlandy - Nôrvezy - Okraina - Pôlônia - Pôrtogaly - Tsekia - Romania - Rosia - San-Marîno - Serbia - Slôvakia - Slôvenia - Soeda - Soisa - Tsekia - Vatikàna.

Kôntinenta eto an-tany

Mbola ambangovangony ity lahatsoratra ity ary tokony hofenoina.

Azonao atao ny mandray anjara eto amin'ny Wikipedia amin'ny alàlan'ny fanitarana azy.
Jereo koa ny pejy Ahoana ny manao takelaka rehefa te-hijery hoe ahoana no fanaovana azy.