Môldavia
I Môldavia dia firenena ao Eorôpa Atsinanana, tsy manana morontsiraka. Ny renivohiny dia i Chișinău. Ny tanàna lehibe indrindra dia ny renivohiny. Mirefy 33 846 km2 ny velaran-taniny ary miisa 3 559 500 ny mponina ao aminy araka ny fanisana natao tamin' ny taona 2012. Ny faritr'ora dia +2.
Tsy dia avo ny vohon-tanin' i Môldavia. Lemaka midadasika no mamorona ny ampahany be amin’ ny taniny. I Dniestr sy i Prout no ony lehibe any.
Ny ankabetahan’ ny mponina ao Môldavia (66 %) dia Môldaviana miteny romaniana izay manaraka, amin’ ny ampahany be, ny kristianisma ôrtôdôksa. Ahitana Okrainiana sy Rosiana koa ny ao (25 %). Ny ankamaroan’ ny mponina any Môldavia dia monina any amin’ ny tontolo ambanivohitra. Ny fambolena sy ny fiompiana no sehatr’ asa sahanin’ ny ankamaroan’ ny mponina, ka ny voly paraky sy voaloboka no be mpanao.
Repoblika sôsialista sôvietika taloha i Môldavia (tao amin’ ny Firaisana Sôvietika taloha) izay nahaeo fahaleovan-tena tamin’ ny taona 1991.
Jereo koa[hanova | hanova ny fango]
Firenena ao Eorôpa
Albania - Alemaina - Andôra - Aotrisy - Belzika - Bielôrosia - Bolgaria - Bôsnia-Herzegôvina - Danemarka - Espaina - Estônia - Fanjakana Mitambatra - Finlandy - Frantsa - Grisia (na Gresy) - Hôngria (na Hongaria) - Irlanda - Islandy - Italia - Jeôrjia - Kipra (na Sipra) - Krôasia (na - Krôatia) - Letônia - Liktenstaina - Litoania - Loksemborga - Masedônia Avaratra (na Makedônia Avaratra)- Malta - Môldavia - Môntenegrô - Nederlandy - Nôrvezy - Okraina - Pôlônia - Pôrtogaly - Tsekia - Romania - Rosia - San-Marîno - Serbia - Slôvakia - Slôvenia - Soeda - Soisa - Tsekia - Vatikàna.
Kôntinenta eto an-tany
