Fiteny kômôriana
Ny fiteny kômôriana dia karazam-piteny banto tenenina ao amin' ny tamba-nosin' i Kômôro sy any amin' ireo firenena misy Kômôriana mipetraka. Atao hoe shimasiwa na shikomori io fiteny io amin' ny fiteny kômôriana. Isan' ny fiteny banto ny fiteny kômôriana, ao amin' ny vondrom-piteny soahily.
Miseho amin' ny endrika tenim-paritra efatra ny fiteny kômôriana, dia:
- ny fiteny kômôriana lehibe (na fiteny singazija), tenenina ao Kômôro Lehibe na Ngazija,
- ny fiteny môheliana (na fiteny simoaly), tenenina ao Môhely na Moaly,
- ny fiteny anjoaney (na fiteny sinjoany), tenenina ao Anjoany na Njoany,
- ny fiteny mahorey (na fiteny simaôre), tenenina ao Mayotte na Maôry.
Tenanina ao Kômôro, ao Mayotte, aty Madagasikara, any La Réunion ary any am-pielezana hafa ny fiteny kômôriana.