Tamba-nosin'i Kômôro

Avy amin'i Wikipedia
Sauter à la navigation Sauter à la recherche
Ny tamba-nosin'i Kômôro

Ny Tamba-nosin' i Kômôro dia nosy maromaro mifanakaiky ao amin' ny Lakandrano Mozambika, eo anelanelan' ny tendro avaratr' i Madagasikara sy ny morontsiraka avaratr' i Mozambika. Efatra ny nosy lehibebe mamorona an' ilay tamba-nosy, dia i Ngazija (na Kômôro Lehibe), i Njoany (na Anjoany), i Moaly (na Môhely) ary i Maôry (na Maiôty). Ny nosy telo voalohany dia mikambana ara-politika ao amin' ny Firaisan'i Kômôro izay mitambatra ho firenena mahaleo tena, fa i Maiôty kosa (izay ahitana ny nosy Grande-Terre sy Petite-Terre), sy ny nosy madinika manodidina azy, dia departemanta frantsay.

Ireo nosy efatra lehibe indrindra[hanova | hanova ny fango]

Ngazija[hanova | hanova ny fango]

I Ngazija na Kômôro Lehibe dia nosy sady fanjakana mizaka tena isan' ny Firaisan'i Kômôro, Izy no nosy lehibe indrindra sy be mponina indrindra (410 736 tamin' ny taona 2016) ao amin' ny tamba-nosin' i Kômôro. I Moroni no renivohiny, izay renivohitr' ilay firaisam-panjakana mizaka tena. Manana velarana 1 148 km2 izy.

Njoany[hanova | hanova ny fango]

I Njoany na Anjoany dia nosy sy fanjakana mizaka tena mitambatra amin' ny Firaisan'i Kômôro. I Mutsamudu no renivohiny ary misy mponina miisa 327 382 izy tamin' ny taona 2017. Mirefy 424 km2 ny velerany.

Moaly[hanova | hanova ny fango]

I Moaly na Môhely dia nosy sy fanjakana mizaka tena mitambatra ao amin' ny Firaisan' i Kômôro. I Fomboni no renivohiny. Misy mponina 52 360 izy tamin' ny taona 2015. Manana velarana 290 km2 izy.

Maiôty[hanova | hanova ny fango]

I Maiôty na Maôry dia tamba-nosy departemanta frantsay. Tsy isan' ny Firaisan' i Kômôro. izy. Ny renivohiny dia Mamoudzou, ny tanàna lehibe indrindra. Ilay faritra dia manana nosy kely maromaro: i Mtsamboro, i Mbouzi ary i Bandrélé. Manana velarana 376 km² izy ary misy mponina miisa 256 518 tamin' ny taona 2017.

Jereo koa[hanova | hanova ny fango]