Fiteny kazàka

fiteny kazàka қазақ тілі, қазақша qazaq tili, qazaqşa
Isan'ny mpiteny	11,7 tapitrisa
Faritany	Kazakstàna,  Mongolia, Rosia,  Sina (Xinjiang)
Sata	Velona
Kaodim-piteny	kk
Soratra	abidy latina (ofisialy any Kazakstana), abidy sirilika (ofisialy any Kazakstana), abidy arabo (ofisialy any Sina)

Ny fiteny kazàka dia fiteny ao amin' ny vondron' ny fiteny torkika. Ny fiteny kazàka no fiteny ôfisialin' i Kazakstàna miaraka amin' ny fiteny rosiana. Ny toerana hafa itenenana ny fiteny kazàka dia ao amin' ny faritra mizaka tenan' i Xinjiang (any Sina). Ny soratra ampiasaina anoratana ny fiteny kazàka dia ny abidy sirilika, ny abidy latina izay mitovitovy endrika amin' ny abidy latina ampiasain' ny fiteny tiorka, ary ny abidy arabo nasiam-panovana (izay ampiasaina any Sina, any Iràna, any Môngôlia ary any Afganistàna). Ao amin' ny abidy sirilika anoratana ny fiteny kazàka dia ahitana litera sivy fanampiny (Ә, Ғ, Қ, Ң, Ө, Ұ, Ү, Һ, І). Mitovy endrika amin' ny fiteny kirgizy ny fiteny kazàka.

Soratra

Ny soratra ampiasaina amin' ny fanoratana ny fiteny kazàka dia ny abidy arabo voalohany indrindra; nampiasaina ny abidy latina manomboka ny taona 1927, ary ny abidy sirilika no nampiasaina manomboka ny taona 1940. Tamin' ny taona 2006, naneho ny finiavany ny hiverina mampiasa ny abidy latina ny filoha kazàka Nursultan Nazarbaiev, fa ôfisialy foana ny abidy sirilika.

Jereo koa

• Fianakaviam-piteny altaika

• Fiteny tiorka
• Fiteny ozbeka
• Fiteny oigora
• Fiteny tatara
• Fiteny torkmena
• Fiteny kirgizy
• Fiteny baskira
• Fiteny tsovasa