Fiteny ôgoza

Avy amin'i Wikipedia

Ny fiteny ôgoza na fiteny ôgozy dia sampana kely amin' ny fianakaviam-piteny torkika, ampiasain' ny olona misa 108 tapitrisa eo ho eo. Ny fiteny telo manana mpiteny betsaka indrindra ao amin' ity sampana ity dia fiteny tiorka sy ny fiteny azery ary ny fiteny torkmena, izay, raha atambatra, dia mihoatra ny 95 % amin' ny mpiteny ôgoza.

I Mahmud al-Kashgari, manam-pahaizana tao amin' ny kanatan' ny Kara-Khanid, izay niaina tamin' ny taonjato faha-11, dia nilaza fa ny fiteny ôgoza no tsotra indrindra amin' ny fiteny torkika rehetra.

I Lars Johanson, manam-pahaizana torkôlôga sy mpahay teny soedoà dia nanamarika fa ny fiteny ôgoza dia miforona mazava tsara sy mifandray akaiky ao anatin' ny fianakaviam-piteny torkika satria ny tantara ara-kolontsaina sy ara-pôlitikan' ny mpiteny ny fiteny ôgoza dia nampifandray azy ireo akaiky kokoa hatraty amin' ny vanim-potoana môderna. Ny mpiteny ôgoza tandrefana dia tena mifankahazo fiteny tsara amin' ny mpiteny tatara krimeana.

Jereo koa[hanova | hanova ny fango]

Hita tao amin'ny "https://mg.wikipedia.org/w/index.php?title=Fiteny_ôgoza&oldid=1061164"