Orogoay

I Orogoay dia firenena ao Amerika Atsimo, manana morontsiraka ao amin' ny Ranomasimbe Atlantika. I Montevideo no ny renivohiny. Ny tanàna lehibe indrindra dia i Montevideo. Mirefy 176 215 km² ny velarany ary niisa, 3.444.263 ny mponina tao aminy araka ny fanisana natao tamin' ny volana Jolay 2011. Ny faritr' orany dia +11.

Ny tanim-pirenen' i Orogoay dia fitohizan' ny Pampa Arzantina: amin' ny ankapobeny dia tany lemaka mialonalona aniriana ahitra ny ankabeazan' ny tanin' i Orogoay. Ny ony Negro (izay mamakivaky an' ilay firenena avy any atsinanana ka hatrany andrefana) sy ny ony Uruguay (izay zary sisintany manasaraka azy amin' i Arzantina, any andrefan' ilay firenena) no korian-drano lehibe indrindra ao Orogoay.

Ny ankamaroan' ny Orogoaiana dia taranaky ny Eorôpeana. Katôlika ny ankamaroany. Monina an-tanàn-dehibe ny mponina ary mipetraka indrindra any amin' ny morontsirak' i Atlantika. Ny indostria sy ny fizahan-tany dia mitana toerana lehibe eo amin' ny toekaren' i Orogoay. Na izany aza, ny fambolena sy ny fiompiana dia mbola mijanona ho sehatra tena ilaina: ny fiompiana (ondry sy omby), izay fanao eny amin' ny lemaka lehibe, dia miantoka ny ampahany lehibe amin' ny fanondranana mankany ivelany, ka hena sy volonondry (ity firenena ity dia anisan' ny mpamokatra volonondry voalohany eran' izao tontolo izao) sy hoditra. Mivoatra koa ny jono. Zanatany espaniôla taloha, Orogoay dia nahaleo tena nanomboka tamin' ny 1828.

Fizarana administratif

Faritra	velarantany (km²)	mpoina (2017)^[1]	Renivohitra
Artigas	11.928	74.800	Artigas
Canelones	4.536	581.500	Canelones
Cerro Largo	13.648	89.600	Melo
Colonia	6.106	130.000	Colonia del Sacramento
Durazno	11.643	59.000	Durazno
Flores	5.144	26.500	Trinidad
Florida	10.417	69.300	Florida
Lavalleja	10.016	59.200	Minas
Maldonado	4.793	187.600	Maldonado
Montevideo	530	1.381.200	Montevideo
Paysandú	13.922	119.100	Paysandú
Río Negro	9.282	57.600	Fray Bentos
Rivera	9.370	108.300	Rivera
Rocha	10.551	74.000	Rocha
Salto	14.163	132.300	Salto
San José	4.992	115.600	San José de Mayo
Soriano	9.008	84.000	Mercedes
Tacuarembó	15.438	93.000	Tacuarembó
Treinta y Tres	9.676	50.500	Treinta y Tres