Fivavahana amin'ny razana

Avy amin'i Wikipedia
Sauter à la navigation Sauter à la recherche
Fanatitra ho an'ny razana tanterahin'ny olona any Sina

Ny fivavahana amin'ny razana dia fivavahana amin'ny fanahin'ny maty izay heverina fa afaka mitahy sy miaro ny olona mbola velona izay ankasitrahany na manasazy izay olona tsy ankasitrahany. Fanao iraisan'ny fivavahana tsy iantsoana mivantana adriamanitra (na an'Andriamanitra) ny fivavahana amin'ny razana. Nivavahana ny fanahin'ny maty tany Ejipta sy tany Roma. Mbola hita izany fanao izany eto Madagasikara, any Sina, Vietnamy, Korea Atsimo ary any Meksika. Ny fivavahana tatsinanana dia efa nampiditra ny fivavahana amin'ny razana hatramin'ny fiforonany. Na ao Eoropa koa dia ahitana io fanao io amin'ny fampifangaroana azy amin'ny fivavahana kristiana. Ao Afrika sy any Amerika Avaratra koa dia ahitana ny fivavahana amin'ny razana. Manam-pifandraisana hentitra amin'ny fahafantarana ny tetiaran'ny taranaka tany aloha ny fivavahana amin'ny razana.

Ny fivavahana amin'ny razana ao Sina[hanova | hanova ny fango]

Hatramin'ny andro ela tany aloha dia nitana ny anjara toerany lehibe teo amin'ny fisainana sy fivavahan'ny Sinoa ny fivavahana amin'ny razana. Izany fivavahana izany dia matetika mifangaro amin'ireo fivavahana sy fisainana taoista, bodista, silamo, kristiana na marksista. Noho ny fifanakaikezany amin'ny fisainana konfosiana izay manindry ny fitiavan'ny zanaka manompo ny ray dia azo lazaina fa fanao efa hatry ny ela ny fivavahana amin'ny razana ao Sina. Izany fivavahana izany dia inoan'ny mpanaraka azy ho mampifandray ny velona sy ny maty (razana). Noho izany dia anaovana fanatitra sakafo ny maty amin'ny fotoan'ny firavoravoana (sahala amin'ny fetin'ny maty) izay mety ho ny fitsingerenan'ny andron'ilay maty na ny an'ny razamben'ny fianakaviana (fanao matetika izany amin'ny foanakavian'ny saranga ambony).

Ny latabatra kelin'ny maty dia matetika apetraka ao amin'ny efitrano natokana amin'izany ao an-trano, fa ny tempolin'ny razana kosa dia ao amin'ny tapany atsimo-atsinanan'ny tokontany. Fanao ny mandoro emboka manitra sy vola taratasy. Fanao koa ny mamangy ny fasan-drazana mba hanadiovana azy amin'ny fotoan'ny atao hoe Qingmingjie ("fahadiovan'ny rivotra") (ampahefatra amby roapolon'ny taona sinoa izay mifanandrify amin'ny herinandro roa voalohany ao amin'ny volana Avrily).

Araka ny lovantsofina dia ny mpanjaka irery ihany no afaka manao sorona amin'ireo razany hatramin'ny taranaka fahafito, ny andriandahy hatramin'ny taranaka fahadimy, ny manamboninahitra ambony hatramin'ny taranaka fahatelo, ary ny olon-tsotra hatramin'ny razany iray ihany. Ny emperora kosa, izay miantso ny Zanaky ny Lanitra, dia manao sorona amin'ny Lanitra sy amin'ny Tany, izay atao hoe "ray sy reniny".

Ny fivavahana amin'ny razan'ireo Aostroneziana[hanova | hanova ny fango]

Hita ao amin'ny mponina miteny aostroneziana toa an'ireo nosy ao Oseania sy i Madagasikara ny fivavahana amin'ny razana. Izany no mpampisy ao amin'ny literatiora polineziana firesahana ny amin'ny fanaovana andriamanitra ny razana izay tsy maintsy ivavahana. Ireo atao hoe Moay (sariolona goavambe vita amin'ny vato) ao amin'ny Nosin'ny Paska dia heverin'ny arkeologa ho razana tonga zanahary.

Any Indonezia[hanova | hanova ny fango]

Any Indonezia dia nahitana ny fivavahana amin'ny razana teo amin'ny mponina sasany. Ny atao hoe Podom (vato nosokirina anaovana vata miendrika lakana na trano hametrahana ny maty) ao amin'ny vahoaka Batak Toba any amin'ny nosy Somatra, ny Waruga ao amin'ny foko Minahasàna ao Solaoesy avaratra ary ny vatam-paty ao amin'ny foko Karo ao Somatra avaratra dia ohatra vitsy amin'ny endrika isehoan'ny fivavahana amin'ny razana.

Eto Madagasikara[hanova | hanova ny fango]

Famadihana reburial razana ancestor Madagascar.jpg

Ny fivavahana amin'ny razana dia fanao be mpanaraka eto Madagasikara ka hita amin'ny fomba fanaovana fasana izany any afovoan-tany izay manatanteraka ny famadihana, izay amoahana ny taolan'ny havana maty avy ao am-pasana mba hamonosan-damba azy sy hampidirana azy am-pasana indray. Izany fanao izany dia ataon'ny Malagasy mbola mandala ny fivavahan-drazana, ka mitazona sy mampitombo ny fifandraisan'ny velona sy ny razana. Ahatsiarovana ireo razana sy ivorian'ny fianakaviana sy ny mpiara-monina ny famadihana ary anaovana lanonana. Ny mponina ao amin'ireo tanàna manodidina dia asaina koa mba hanatrika ny lanonana izay izarana sakafo sy toaka sady ihainoana hiragasy na hira sy mozika hafa.

Aseho amin'ny alalan'ny fanajana ny fady koa ny fivavahana amin'ny razana izay hajaina mandritra na aorian'ny andro nahavelomany. Inoana fa ny fanehoam-panajana ny razana amin'ny alalan'ny fanajana ny fady dia mahatonga ny razana hitahy ny velona. Ny fanadinoana ny razana na ny tsy firaharahana ny hafatra navelany dia miteraka fahavoazana. Ny famonoana omby atao sorona no fomba anehoana ny fanajana ny razana na ampitsaharana ny fahatezeran'izy ireo.

Azo atao koa ny maneho fanajana ny razana amin'ny alalan'ny fanidinana toaka avy amin'ny tavoahangy vao nosokafana amin'ny zoro avaratra-atsinanan'ny trano mba hanomezana ny anjarany.

Jereo koa[hanova | hanova ny fango]

Rohy ivelany[hanova | hanova ny fango]