Famadihana

Avy amin'i Wikipedia
Aller à la navigation Aller à la recherche
Famadihana

Isan'ny fomban-drazana iray mampiavaka ny Malagasy ny famadihana, izay antsoina koa hoe famonosan-damba. Ny famadihana dia fety atokan'ny Malagasy hahatsiarovana ireo efa maty. Anehoana ny fifandraisana mbola misy eo amin'ny velona sy ny maty izy, izany hoe anehoana ny fanajàna sy fanomezana hasina ny razana. Atao amin'izany ihany koa ny fangataham-pitahiana amin'ny razana. Tsy vitan'ny hoe hahatsiarovana izy io, fa indrindra ahazoana miverina mikasika ireo efa maty. Fotoana ahazoan'ny fianakaviana mifankahita koa izy io.

Ny fomba atao mandritra ny famadihana[hanova | hanova ny fango]

Fomba fikarakarana ny razana[hanova | hanova ny fango]

Betsaka ny fomba atao mandritra io famadihana io:

  • famerenana ny famonosana ireo maty, izany hoe averina fonosina lambamena izy ireo
  • fampidirana anaty fasana ireo faty nalevina anirotra (ny zazakely ohatra, satria raha zaza no maty dia tsy sokafana ny fasana fa alevina anirotra, izany hoe eo akaikin'ny fasana).

Fanatanterahana ny lanonana[hanova | hanova ny fango]

Mampiavaka ny famadihana dia ny fisian'ny ny mozika, ny sakafo, ny kaho-drazana ary ny fihaingona.

Ny mozika[hanova | hanova ny fango]

Matetika dia manakarama mpanao mozika mihitsy ny tompon-draharaha mba hampandihizana ny olona

Ny sakafo[hanova | hanova ny fango]

Asaina ny mpiray tanana sy ny manodidona rehetra amin'ny sakafo. Any amin'ny toerana sasany dia antsoina mihitsy hoe "vary be menaka" na "vary be saosy" izy io, noho ny atiny: mamono omby na kisoa iray na maromaro mihitsy ny tompon-draharaha hamokisana ny olona, ary atao izay hampatavy ny sakafo, mba hahatsiarovan'ny olona ny tsirony

Ny kaho-drazana[hanova | hanova ny fango]

Ny kaho-drazana dia vola omen'ny olona nasaina ho an'ny tompom-pety.

Ny fihaingona[hanova | hanova ny fango]

Fahiny ihany koa dia,ny fotoanan'ny famadiana no fotoana ahitana ny fihaingona isankarazany (izany hoe manao akanjo vaovao daholo ny rehetra ka mampidera izay)

Fotoana anaovana ny famadihana[hanova | hanova ny fango]

Ny tompon'ny fanapahan-kevitra[hanova | hanova ny fango]

Tsy tena misy daty voatokana hanaovana famadihana fa arakaraka ny hevitry ny raiamandreny ao amin'ny fianakaviana. Matetika dia ny iray amin'ireo raiamandreny no milaza hoe: "Nanonofy an-dranona (olona efa maty) aho halina, ka niteny izy hoe Mangatsiaka izahay"

Ny daty anaovana ny famadihana[hanova | hanova ny fango]

Volana Jolay ka hatramin'ny Septambra no fotoana fanaovana famadihana. Ho an'ny Malagasy dia manomboka amin'ny vanim-potoana fararano no fanaovana famadihana, handaniam-bola aman-karena mihitsy mantsy ny famadihana ka dia nosafidian'ny Malagasy hanaovana izany ny vanimpotoana fiakaran'ny voka-bary (fararano, main-tany). Mila andro tsara ny famadihana ka nosafigina ny main-tany izay tsy misy orana, maina rahateo ny andro amin'io vanimpotoana fararano io.

Kiana[hanova | hanova ny fango]

Fomba fijerin' ny Kristiana[hanova | hanova ny fango]

Fomba fijerin' ny Prôtestanta[hanova | hanova ny fango]

Ny fivavahana kristianina sasany, indrindra indrindra ny prôtestanta dia manambara ny famadihana ho fomba iray mifanipaka amin' ny fanompoana an' Andriamanitra. Heverin' izy ireo ho isan' ny fanompoan-tsampy ny famadihana noho izy ataony hoe fivavahana amin' ny razana. Ny karazana mpivavaka sasany toy ny mpiandry dia tsy mahazo mandray anjara amin' ny famadihana mihitsy.

Fomba fijerin' ny Katôlika[hanova | hanova ny fango]

Etsy andaniny anefa ny fivavahana katôlika dia tsapa ho mandefitra kokoa ity fomba iray ity.

Jereo koa[hanova | hanova ny fango]

'