Fanjakà-mpanjaka

Ny fanjakà-mpanjaka, izay atao matetika hoe fanjakana ihany koa, dia firenena mampihatra ny fitondrà-mpanjaka, ka ny lehibem-panjakana amin' izany dia atao hoe mpanjaka, na ny mitovy amin' izany. Na dia ny fitondrana repoblikana aza no arahin' ny firenena maro amin' izao taonjato faha-21 izao dia mbola misy ny fanjakà-mpanjaka amin' ny kôntinenta rehetra. Ohatra amin' izany i Kanada sy i Bahamasy ao Amerika, i Tailandy ao Azia, ny Fanjakana Mitambatra sy i Nederlandy ao Eorôpa, i Marôka ao Afrika ary i Tônga ao Ôseania.

Ny fanjakà-mpanjaka dia tapahin' ny fitondran' olon-tokana, nefa ny mifamadika amin' izany dia tsy voatery ho marina. Amin' ny fanjakà-mpanjaka sasany, ny filoham-pajakana dia mety hitondra ny anarana hoe mpanjaka, emperora, printsy, dioka lehibe, soltana sns.

Ny fahefana maha mpanjaka dia matetika ifandovana, nefa misy ny maningana: mety hofidina ny mpanjaka, tahaka ny tao Pôlônina tamin' ny taonjato faha-17 na i Vatikàna ankehitriny.

Fanjakà-mpanjaka ankehitriny

Afrika

• Fanakan' i Marôka
• Fanjakan' i Lesôtô
• Fanjakan' i Esoatiny

Amerika

• Fanjakan' i Belizy
• Fanjakan' i Kanada
• Fanjakan' i Bahamasy
• Fanjakan' i Grenady
• Fanjakan' i Jamaîka
• Fanjakan' i Santa Kity sy Nevisy
• Fanjakan' i Santa Losia
• Fanjakan' i Santa-Visanta-sy-Grenadina

Azia

• Fanjakan' i Botàna
• Fanjakan' i Kambôdia
• Fanjakan' i Malezia
• Fanjakan' i Tailandy
• Fanjakan' i Broney

Afovoany Atsinanana

• Fanjakan' i Arabia Saodita
• Fanjakan' i  Jôrdania
• Fanjakan' i Bareina
• Emiratan' i Katara
• Emirata Arabo Mitambatra
• Soltanatan' i Ômàna
• Kôety

Eorôpa

• Fanjakana Mitambatr' i Britaina Lehibe sy Irlady Avaratra
• Fanjakan' i Nederlandy
• Fanjakan' i Belzika
• Fanjakan' i Espaina
• Fanjakan' i Danemarka
• Fanjakan' i Soeda
• Fanjakan' i Nôrvezy

Ôseania

• Aostralia
• Tovalo
• Fanjakan' i Zelandy Vaovao
• Papoazia-Ginea-Vaovao
• Nosy Sôlômôna
• Fanjakan' i Tônga
• Fanjakan' i Valisy-sy-Fotona

Jereo koa

• Fanjakana
• Firenena
• Empira