Tailandy

Avy amin'i Wikipedia
ราชอาณาจักรไทย ((th))
Ratcha Anachak Thai th
Fanjakan'i Tailandy ((mg))
Sainan'i Tailandy Fanevan'i Tailandy
(Antsipirihany) (Antsipirihany)
Teny ofisialy thai
Renivohitra Bangkok
13° 45′ N, 100° 31′ E
Tanàna lehibe indrindra Bangkok
Fitondrana sy governemanta
 - Mpanjaka
- Praiminisitra
Fanjakana ara-dalam-panorenana
Rama X
Prayut Chan-o-cha
Velarantany
 - Tontaliny
 - Rano (%)
faha 49
514 000 km²
0,4 %
Isam-ponina
 - Tontaliny (2008)
 - hakitroka
faha 20
65 493 298 mpo.
122 mpo./km²


Anaran'ny mponina Tailandey
IDH (2004) 0,784 (antonony) faha 72
Sandam-bola Baht (THB)
Faritr'ora UTC +7
Hiram-pirenena Phleng Chat
Valan-tsehatra internet
Antso
an-tariby
+66

I Tailandy, na Fanjakan' i Tailandy, dia firenena any Azia Atsimo-Atsinanana, izay manana morontsiraka ao amin’ ny Hoalan' i Tailandy sy ao amin' ny Ranomasin' ny Andaman. Ny velaran-taniny dia misy eo amin' ny 514 000 km2 eo ho eo; ary miisa 65 tapitrisa ny mponina ao aminy, araka ny fanisana natao tamin' ny taona 2008. I Tailandy dia mizara sisintany amin' i Mianmara any andrefany, amin' i Malaizia any atsimo, amin' i Kambôdia any atsinanana ary amin' i Laôsy any avaratra-atsinanana. Ny renivohitr' i Tailandy dia i Bangkok (Krungthep - กรุงเทพฯ, "Tanànan' ny Anjely"). Atao hoe ประเทศไทย, Prathet Thai na ราชอาณาจักรไทย, Ratcha Anachak Thai izy amin' ny fiteny tailandey. Niova anarana ilay fanjakana tamin' ny taona 1949: Siam no anarany taloha.

Ny ampahany avaratra amin’ i Tailandy dia ao amin’ ny Saikanosy Indôsinoa (izay ahitana koa an’ i Laôsy sy i Vietnamy ary i Kambôdia), fa ao amin’ ny Saikanosin' i Malacca kosa ny tapany atsimo. Ny vohon-taniny dia ahitana ny tany lemaka afovoany izay tondrahan’ ny ony Chao Phraya (ony lava indrindra ao amin’ ily firenena), hodidinin’ ny tendrombohitra sy lembalemba maro (isan’ izany ny lembalemban’ i Korat). Manakaiky ny 30 %n’ ny tanin’ i Tailandy no rakotra ala. Toetanin-janapehin-tany mafana sy mando no manjaka any.

Ny mponina any Tailandy (atao hoe Tailandey) dia ahitana indrindra ny Tay (mihoatra ny 75 %), ny Sinoa (15 %), ny Maley, ny Vietnamiana ary ny Kambôdiana. Ny bodisma no fivavahana be mpanaraka indrindra any. Ao amin’ ny faritra afovoany, any ambanivohitra, no onenan’ ny akamaroan’ ny mponina.

Ny fambolena no seha-pamokarana iompanan’ ny toekaren’ i Tailandy ; anisan’ ireo firenena mpamokatra vary betsaka indrindra eto an-tany ity firenena ity. Miroborobo ny taozava-baventy nanomboka tamin’ ireo taona 1980 sy 1990, indrindra noho ny fampiasam-bola nataon’ ny Japôney tao. Mandroso koa ny fanodinana ny vokatry ny fambolena sy ny fanamboarana lamba ary ny fizahàn-tany.

Niorina tamin’ ny taona 1238 ny firenena tailandey. Fanjakà-mpanjaka ara-dalàm-panorenana i Tailandy hatry ny taona 1932. Ny fiteny tailandey no teny ôfisialy any Tailandy ary ny baht no vola ampiasaina any.

Tantara[hanova | hanova ny fango]

Jeografia[hanova | hanova ny fango]

Toe-tany[hanova | hanova ny fango]

Politika[hanova | hanova ny fango]

Toe-karena[hanova | hanova ny fango]

Jereo koa[hanova | hanova ny fango]

Firenena ao Azia:

Afganistàna - Arabia Saodita - Armenia - Azerbaijàna - Bangladesy - Bareina - Botàna - Broney - Emirata Arabo Mitambatra - Filipina - Iemena - India - Indônezia - Iràka - Iràna - Israely - Japàna - Jôrdania - Kambôdia - Katara - Kazakstàna - Kirgizistàna - Kôety - Kôrea Atsimo - Kôrea Avaratra - Laôsy - Libàna - Maldiva - Malezia - Mianmara - Môngôlia - Nepaly - Ômàna - Ozbekistàna - Pakistàna - Palestina (fanjakana) - Rosia - Sina - Singaporo - Siria - Srilanka - Tailandy - Taioàna - Tajikistàna - Torkia - Torkmenistàna - Vietnamy.

Kôntinenta eto an-tany

Mbola ambangovangony ity lahatsoratra ity ary tokony hofenoina.

Azonao atao ny mandray anjara eto amin'ny Wikipedia amin'ny alàlan'ny fanitarana azy.
Jereo koa ny pejy Ahoana ny manao takelaka rehefa te-hijery hoe ahoana no fanaovana azy.

Rohy Ivelany[hanova | hanova ny fango]

Tranonkala Ofisialy[hanova | hanova ny fango]

Hafa[hanova | hanova ny fango]