Fanandroan-kintana

Avy amin'i Wikipedia
(tonga teto avy amin'ny Antokon-kintan'ny zodiaka)
Sauter à la navigation Sauter à la recherche

Ny fanandroan-kintana dia fanandroana miankina tanteraka amin'ny kintana na ny antokon-kintana (antokon-kintan'ny zodiaka indrindra) izay azo jerena tokoa eny amin'ny lanitra. Mety ho ny maso fotsiny no enti-mijery izany mivantana na amin'ny alalan'ny fampiasana fitaovana moderna. Miankina amin'ny zodiakan-kintana ny fanandroan-kintana. Io no fanandroana ampasain'ny firenena aziatika (ny fanandroana indiana atao hoe Jyoyish, ohatra) sy ampahany kely amin'ny mpanandro any amin'ireo Tandrefana. Lasa nalaza tao amin'ireo mpanandro tandrefana io karazam-panandroana io tamin'ny taona 1940 vokatry ny asa soratr'ilay Irlandey atao hoe Cyril Fagan. Atsidika dieny mialoha fa ny fandroana malagasy mampiasa anaram-bolana arabo tao Imerina dia tsy fanandroan-kintana fa fanandroam-bolana. Misy karazany roa ny fanandroan-kintana, dia ny fanandroana araka ny antokon-kintan'ny zodiaka sy ny fanandroana araka ny zodiakan-kintana.

Ny antokon-kintanan'ny zodiaka[hanova | hanova ny fango]

Ireto avy ny anaran'ireo antokon-kintan'ny zodiaka amin'ny teny malagasy avy amin'ny teny arabo: Alahamady, Adaoro, Adizaoza, Asorotany, Alahasaty, Asombola, Adimizana, Alakarabo, Alakaosy, Adijady, Adalo ary Alohotsy. Manampy azy ireo ny antokon-kintana Bibilava (latina: Ophiucus).

Ny antokon-kintan'ny Alahamady[hanova | hanova ny fango]

Ny Alahamady dia antokon-kintan'ny zodiaka andalovan'ny masoandro amin'ny 19 Avrily hatramin'ny 14 Mey. Eo anelanelan'ny antokon-kintan'ny Alohotsy eo andrefany sy ny an'ny Adaoro eo atsinanana izy. Rehefa nampiasaina amin'ny fanandroana ny antokon-kintana dia nanome ny iray amin'ireo evan'ny zodiaka mikisaka ho anarany io anaran'antokon-kintana io nefa amin'izao fotoana izao dia efa tsy mifanandrify amin'ny fotoana fandalovan'ny masoandro amin'ny fari-danitry ny antokon-kintana Alahamady ny fotoana andalovan'ny masoandro ao amin'ny evan'ny Alahamady izay manomboka eo amn'ny 21 Marsa ka miafara amin'ny 20 Avrily.

Ny antokon-kintan'ny Adaoro[hanova | hanova ny fango]

Ny Adaoro dia antokon-kintan'ny zodiaka izay andalovan'ny masoandro amin'ny 14 Mey hatramin'ny 22 Jona. Eo anelanelan'ny antokon-kintan'ny Alahamady eo andrefany sy ny an'ny Adizaoza eo atsinanana izy. Ny evan'ny zodiaka mitovy anarana aminy (Adaoro), izay ampiasaina amin'ny fanandroana mahazatra ny Tandrefana, dia andalovan'ny masoandro amin'ny 20 Avrily hatramin'ny 21 Mey ka tsy mifanaraka amin'ny zava-misy ara-kaikintana intsony.

Ny antokon-kintan'ny Adizaoza[hanova | hanova ny fango]

Ny Adizaoza dia antokon-kintan'ny zodiaka andalovan'ny masoandro amin'ny 21 Jona hatramin'ny 20 Jolay. Ny antokon-kintan'ny Adaoro (Ombiahy) no eo andrefany ary ny an'ny Asorontany no eo antsinanany. Anaran'ny evan'ny zodiaka ampiasaina amin'ny fanandroana mahazatra ny Tandrefana koa ny hoe Adizaoza izay andalovan'ny masoandro amin'ny 21 Mey hatramin'ny 21 Jona.

Ny antokon-kintan'ny Asorotany[hanova | hanova ny fango]

Ny Asorotany dia antokon-kintan'ny zodiaka andalovan'ny masoandro amin'ny 20 Jolay hatramin'ny 10 Aogositra. Eo andrefany no misy ny Adizaoza fa eo atsinanany kosa ny Alahasaty. Andalovan'ny masoandro amin'ny 22 Jona hatramin'ny 22 Jolay ny evan'ny zodiaka Asorotany mitovy anarana aminy izay ampiasaina amin'ny fanandroana mahazatra ny Tandrefana.

Ny antokon-kintan'ny Alahasaty[hanova | hanova ny fango]

Ny Alahasaty dia antokon-kintan'ny zodiaka andalovan'ny masoandro amin'ny 10 Aogositra hatramin'ny 16 Septambra. Ny antokon-kintan'ny Asorotany no eo andrefany fa ny an'ny Asombola kosa no eo atsinanany. Ny evan'ny zodiaka Alahasaty, mitovy anarana aminy, izay ampiasaina ao amin'ny fanandroana mahazatra ny Tandrefana, dia andalovan'ny masoandro amin'ny 23 Jolay hatramin'ny 22 Aogositra.

Ny antokon-kintan'ny Asombola[hanova | hanova ny fango]

Ny Asombola dia antokon-kintan'ny zodiaka andalovan'ny masoandro amin'ny 16 Septambra hatramin'ny 30 Oktobra. Ny antokon-kintan'ny Alahasaty no eo andrefany fa ny an'ny Adimizana kosa no eo atsinanany. Ny evan'ny zodiaka Asombola, mitovy anarana aminy, izay ampiasaina ao amin'ny fanandroana mahazatra ny Tandrefana, dia andalovan'ny masoandro amin'ny 23 Aogositra hatramin'ny 22 Septambra.

Ny antokon-kintan'ny Adimizana[hanova | hanova ny fango]

Ny Adimizana dia antokon-kintan'ny zodiaka andalovan'ny masoandro amin'ny 30 Oktobra hatramin'ny 20 Novambra. Ny antokon-kintan'ny Asombola no eo andrefany fa ny an'ny Alakarabo kosa no eo atsinanany. Ny evan'ny zodiaka Adimizana, mitovy anarana aminy, izay ampiasaina ao amin'ny fanandroana mahazatra ny Tandrefana, dia andalovan'ny masoandro amin'ny 23 Septambra hatramin'ny 22 Oktobra.

Ny antokon-kintan'ny Alakarabo[hanova | hanova ny fango]

Ny Alakarabo dia antokon-kintan'ny zodiaka andalovan'ny masoandro amin'ny 20 Novambra hatramin'ny 29 Novambra. Ny antokon-kintan'ny Adimizana no eo andrefany fa ny an'ny Bibilava kosa no eo atsinanany. Ny evan'ny zodiaka Alakarabo, mitovy anarana aminy, izay ampiasaina ao amin'ny fanandroana mahazatra ny Tandrefana, dia andalovan'ny masoandro amin'ny 23 Oktobra hatramin'ny 22 Novambra.

Ny antokon-kintan'ny Bibilava[hanova | hanova ny fango]

Ny Bibilava dia antokon-kintan'ny zodiaka andalovan'ny masoandro amin'ny 29 Novambra hatramin'ny 18 Desambra. Ny antokon-kintan'ny Alakarabo no eo andrefany fa ny an'ny Alakaosy kosa no eo atsinanany. Tsy misy ny evan'ny zodiaka mikisaka na ny evan'ny zodiakan-kintana mitovy anarana aminy.

Ny antokon-kintan'ny Alakaosy[hanova | hanova ny fango]

Ny Alakaosy dia antokon-kintan'ny zodiaka andalovan'ny masoandro amin'ny 19 Desambra hatramin'ny 20 Janoary. Ny antokon-kintan'ny Bibilava (Ophiucus) no eo andrefany fa ny an'ny Adijady kosa no eo atsinanany. Ny evan'ny zodiaka Alakaosy, mitovy anarana aminy, izay ampiasaina ao amin'ny fanandroana mahazatra ny Tandrefana, dia andalovan'ny masoandro amin'ny 23 Novambra hatramin'ny 21 Desambra.

Ny antokon-kintan'ny Adijady[hanova | hanova ny fango]

Ny Adijady dia antokon-kintan'ny zodiaka andalovan'ny masoandro amin'ny 20 Janoary hatramin'ny 16 Febroary. Ny antokon-kintan'ny Alakaosy no eo andrefany fa ny an'ny Adalo kosa no eo atsinanany. Ny evan'ny zodiaka Adijady, mitovy anarana aminy, izay ampiasaina ao amin'ny fanandroana mahazatra ny Tandrefana, dia andalovan'ny masoandro amin'ny 22 Desambra hatramin'ny 20 Janoary.

Ny antokon-kintan'ny Adalo[hanova | hanova ny fango]

Ny Adalo dia antokon-kintan'ny zodiaka andalovan'ny masoandro amin'ny 16 Febroary hatramin'ny 11 Marsa. Ny antokon-kintan'ny Adijady no eo andrefany fa ny an'ny Alohotsy kosa no eo atsinanany. Ny evan'ny zodiaka Adalo, mitovy anarana aminy, izay ampiasaina ao amin'ny fanandroana mahazatra ny Tandrefana, dia andalovan'ny masoandro amin'ny 21 Janoary hatramin'ny 19 Febroary.

Ny antokon-kintan'ny Alohotsy[hanova | hanova ny fango]

Ny Alohotsy dia antokon-kintan'ny zodiaka andalovan'ny masoandro amin'ny 11 Marsa hatramin'ny 18 Avrily. Ny antokon-kintan'ny Adalo no eo andrefany fa ny an'ny Alahamady kosa no eo atsinanany. Ny evan'ny zodiaka Alohotsy, mitovy anarana aminy, izay ampiasaina ao amin'ny fanandroana mahazatra ny Tandrefana, dia andalovan'ny masoandro amin'ny 20 Febroary hatramin'ny 20 Marsa.

Ny zodiakan-kintana[hanova | hanova ny fango]

Satria efa tsy mifanaraka amin'ny antokon-kintana mitovy anarana aminy ireo evan'ny zodiaka mikisaka dia namaritra zodiaka manaraka ny antokon-kintan'ny zodiaka ny mpanandro sy ny mpahay kintana taty aoriana. Io no atao hoe zodiakan-kintana izay ahitana fitsinjarana roa ambin'ny folo ny zodiaka manontolo. Ny fari-danitry ny evan'ny zodiakan-kintana dia mitovy ka tsy mitovy habe amin'ny fari-danitra misy ny antokon-kintana tandrify azy tsirairay. Tsy misy anefa ny evan'ny zodiakan-kintana mitovy anarana amin'ny antokon-kintana Bibilava (Ophiucus). Ny fandalovan'ny masoandro ao amin'ny fari-danitry ny eva iray araka ny zodiaka mikisaka dia lasa aloha loatra ny raha mitaha amin'ny fandalovany ao amin'ny fari-danitry ny eva mitovy anarana aminy araka ny zodiakan-kintana ka mahatratra saika iray volana eo izany fifandisoana izany.

Ny evan'ny Alahamady araka ny zodiakan-kintana[hanova | hanova ny fango]

Raha andalovan'ny masoandro amin'ny 19 Avrily hatramin'ny 14 Mey ny fari-danitry ny antokon-kintan'ny Alahamady, ny fotoana andalovan'ny masoandro ao amin'ny fari-danitry ny evan'ny Alahamady araka ny zodiakan-kintana dia eo anelanelan'ny 15 Avrily sy 15 Mey.

Ny evan'ny Adaoro araka ny zodiakan-kintana[hanova | hanova ny fango]

Raha andalovan'ny masoandro amin'ny 14 Mey hatramin'ny 22 Jona ny fari-danitry ny antokon-kintan'ny Alahamady, ny fotoana andalovan'ny masoandro ao amin'ny fari-danitry ny evan'ny Adaoro araka ny zodiakan-kintana dia eo anelanelan'ny 16 Mey sy 15 Jona.

Ny evan'ny Adizaoza araka ny zodiakan-kintana[hanova | hanova ny fango]

Raha andalovan'ny masoandro amin'ny 21 Jona hatramin'ny 20 Jolay ny fari-danitry ny antokon-kintan'ny Alahamady, ny fotoana andalovan'ny masoandro ao amin'ny fari-danitry ny evan'ny Adizaoza araka ny zodiakan-kintana dia eo anelanelan'ny 16 Jona sy 15 Jolay.

Ny evan'ny Asorotany araka ny zodiakan-kintana[hanova | hanova ny fango]

Raha andalovan'ny masoandro amin'ny 20 Jolay hatramin'ny 10 Aogositra ny fari-danitry ny antokon-kintan'ny Alahamady, ny fotoana andalovan'ny masoandro ao amin'ny fari-danitry ny evan'ny Asorotany araka ny zodiakan-kintana dia eo anelanelan'ny 16 Jolay sy 15 Aogositra.

Ny evan'ny Alahasaty araka ny zodiakan-kintana[hanova | hanova ny fango]

Raha andalovan'ny masoandro amin'ny 10 Aogositra hatramin'ny 16 Septambra ny fari-danitry ny antokon-kintan'ny Alahamady, ny fotoana andalovan'ny masoandro ao amin'ny fari-danitry ny evabn'ny Alahasaty araka ny zodiakan-kintana dia eo anelanelan'ny 16 Aogositra sy 15 Septambra.

Ny evan'ny Asombola araka ny zodiakan-kintana[hanova | hanova ny fango]

Raha andalovan'ny masoandro amin'ny 16 Septambra hatramin'ny 30 Oktobra ny fari-danitry ny antokon-kintan'ny Alahamady, ny fotoana andalovan'ny masoandro ao amin'ny fari-danitry ny evan'ny Asombola araka ny zodiakan-kintana dia eo anelanelan'ny 16 Septambra sy 15 Oktobra.

Ny evan'ny Adimizana araka ny zodiakan-kintana[hanova | hanova ny fango]

Raha andalovan'ny masoandro amin'ny 30 Oktobra hatramin'ny 20 Novambra ny fari-danitry ny antokon-kintan'ny Alahamady, ny fotoana andalovan'ny masoandro ao amin'ny fari-danitry ny evan'ny Adimizana araka ny zodiakan-kintana dia eo anelanelan'ny 16 Oktobra sy 15 Novambra.

Ny evan'ny Alakarabo araka ny zodiakan-kintana[hanova | hanova ny fango]

Raha andalovan'ny masoandro amin'ny 20 Novambra hatramin'ny 29 Novambra ny fari-danitry ny antokon-kintan'ny Alahamady, ny fotoana andalovan'ny masoandro ao amin'ny fari-danitry ny evan'ny Alakarabo araka ny zodiakan-kintana dia eo anelanelan'ny 16 Novambra sy 15 Desambra.

Ny evan'ny Alakaosy araka ny zodiakan-kintana[hanova | hanova ny fango]

Raha andalovan'ny masoandro amin'ny 19 Desambra hatramin'ny 20 Janoary ny fari-danitry ny antokon-kintan'ny Alahamady, ny fotoana andalovan'ny masoandro ao amin'ny fari-danitry ny evan'ny Alakaosy araka ny zodiakan-kintana dia eo anelanelan'ny 16 Desambra 14 Janoary.

Ny evan'ny Adijady araka ny zodiakan-kintana[hanova | hanova ny fango]

Raha andalovan'ny masoandro amin'ny 20 Janoary hatramin'ny 16 Febroary ny fari-danitry ny antokon-kintan'ny Alahamady, ny fotoana andalovan'ny masoandro ao amin'ny fari-danitry ny evan'ny Adijady araka ny zodiakan-kintana dia eo anelanelan'ny 15 Janoary sy 14 Febroary.

Ny evan'ny Adalo araka ny zodiakan-kintana[hanova | hanova ny fango]

Raha andalovan'ny masoandro amin'ny 16 Febroary hatramin'ny 11 Marsa ny fari-danitry ny antokon-kintan'ny Alahamady, ny fotoana andalovan'ny masoandro ao amin'ny fari-danitry ny evan'ny Adalo araka ny zodiakan-kintana dia eo anelanelan'ny 15 Febroary sy 14 Marsa.

Ny evan'ny Alohotsy araka ny zodiakan-kintana[hanova | hanova ny fango]

Raha andalovan'ny masoandro amin'ny 11 Marsa hatramin'ny 18 Avrily ny fari-danitry ny antokon-kintan'ny Alahamady, ny fotoana andalovan'ny masoandro ao amin'ny fari-danitry ny evan'ny Alohotsy araka ny zodiakan-kintana dia eo anelanelan'ny 15 Marsa sy 14 Avrily.


Inty misy fafana maneho ny fahasamihafan'ny fotoana andalovan'ny masoandro amin'ny fari-danitry ny zodiakan-kintana sy ny an'ny zodiaka mikisaka ary ny antokon-kintan'ny zodiaka.

Anarana Eva Zodiaka mihodina Antokon-kintana Zodiakan-kintana
Aries (Alahamady) 21 Marsa - 20 Avrily

(31 andro)

18 Avrily - 13 Mey

(25,5 andro)

15 Avrily - 15 Mey
Taurus (Adaoro) 21 Avrily - 20 Mey

(31 andro)

13 Mey - 21 Jona

(38,2 andro)

16 Mey - 15 Jona
Gemini (Adizaoza) 21 Mey - 21 Jona

(31 andro)

21 Jona - 20 Jolay

(29,3 andro)

16 Jona - 15 Jolay
Cancer (Asorotany) 22 Jona - 22 Jolay

(31 andro)

20 Jolay - 10 Aogositra

(21,1 andro)

16 Jolay - 15 Aogositra
Leo (Alahasaty) 23 Jolay - 22 Aogositra

(31 andro)

10 Aogositra - 16 Septambra

(36,9 andro)

16 Aogsitra - 15 Septambra
Virgo (Asombola) 23 Aogositra - 22 Septambra

(31 andro)

16 Septambra - 30 Oktobra

(44,5 andro)

16 Septambra - 15 Oktobra
Libra (Adimizana) 23 Septambra - 22 Oktobra

(30 andro)

30 Oktobra - 20 Novambra

(21,1 andro)

16 Oktobra - 15 Novambra
Scorpio (Alakarabo) 23 Oktobra - 22 Novambra

(31 andro)

20 Novambra - 29 Novambra

(8,4 andro)

16 Novambra - 15 Desambra
Ophiuchus 29 Novembra - 18 Desambra

(18,4 andro)

Sagittarius (Alakaosy) 23 Novembra - 21 Desambra

(29 andro)

18 Desambra - 20 Janoary

(33,6 andro)

16 Desambra - 14 Janoary
Capricornus (Adijady) 22 Desambra - 20 Janoary

(30 andro)

20 Janoary - 16 Febroary

(27,4 andro)

15 Janoary - 14 Febroary
Aquarius (Adalo) 21 Janoary - 19 Febroary

(30 andro)

16 Fenroary - 11 Marsa

(23,9 andro)

15 Febroary - 14 Marsa
Pisces (Alohotsy) 20 Febroary- 20 Marsa

(29 na 30 andro)

11 Marsa - 18 Avrily

(37,7 andro)

15 Marsa - 14 Avrily
TOTALY 365 na 366 andro 366 andro

Jereo koa:[hanova | hanova ny fango]