Tsy fetezan-dison' ny Papa

Avy amin'i Wikipedia
(tonga teto avy amin'ny Tsy fetezan-dison'ny Papa)
Aller à la navigation Aller à la recherche
Ny Papa Pio IX (1792–1878)

Ny tsy fetezan-dison' ny Papa dia foto-pampianarana na tenim-pinoan' ny Fiangonana katôlika rômana izay milaza fa eo am-panatanterahana ny fahefany dia tsy mety ho diso ny Papa raha manao fanambaràna noho ny fananany fahefana apôstôlika fara-tampony momba ny finoana sy ny fitodran-tena sy noho ny fanampian' Andriamanitra izay miaro azy amin' ny mety ho fahadisoana. Notoherin' ny Prôestanta izany sady niteraka fisarahan' ny Fiangonana katôlika tranainy tamin' ny Fiangonana katôlika rômana.

Fanambaràna ny tsy fetezan-dison' ny Papa[hanova | hanova ny fango]

Famaritana ny tsy fetezan-dison' ny Papa[hanova | hanova ny fango]

Araka ny famaritana nankatoavina sy navoakan' ny Kônsily Vatikàna I tamin' ny taona 1870, tamin' ny andron' ny papa Pio IX, dia azo lazaina ho manome fampianarana tsy mety diso ny papa:

  • raha miteny "avy eo amin' ny fiketrahana" (latina: ex cathedra), izany hoe amin' ny maha mpiandry ondry sy maha mpampianatra azy ary ny fananany fahefana apôstôlika fara-tampony;
  • raha miteny izy ka manana tanjona hampihatra izany amin' ny Fiangonana manontolo;
  • raha zavatra momba ny finoana na ny fitondran-tena ampianarina amin' ny maha isan' ny fanambaràn' Andriamanitra nampitaina hatramin’ ny andron' ny Apôstôly ny zavatra faritany.

Tsy heverina ho tsy mety diso ny Papa raha manambara ny heviny manokana.

Fanamarinana ny tsy fetezan-dison' ny Papa[hanova | hanova ny fango]

Lazain' ny mpomba ilay fampianarana fa ny tsy fetezan-dison' ny Papa dia efa hita taratra tao amin' ny fampianaran' ireo Rain' ny Fiangonana. Fahasoavana na fanomezan' Andriamanitra, izay loharano tokana nipoiran' ny tsy fetezan-diso, voamarina ao amin' ny Baiboly sy ny teôlôjia. Isan' ireo andalana ao amin' ny Soratra Masina anohanany hevitra ny lahateny fanaovam-beloma ao amin' ny Evanjelin' i Jesoa nosoratan' i Masindahy Joany, indrindra ny fampanantenany ny Fanahin' ny fahamarinana (Joa. 14.17; 15.26; 16.13). Ny tsy fetezan-diso dia tsy afaka miasa raha tsy momba ny foto-pampianarana miorina amin' ny Soratra Masina sy ny lovampinoana tranain' ny Fiangonana, izay tsy azon' iza na iza toherina; noho izany dia tsy azo ambara ho tsy mety diso ireo foto-pampianarana vaovao taty aoriana.

Ny fiangonana nanda ny tsy fetezan-dison' ny Papa[hanova | hanova ny fango]

Ny Fanavaozam-piangonana prôtestanta[hanova | hanova ny fango]

Notoherin' ny Prôtestanta izany fampianarana ny amin' ny tsy fetezan-dison' ny Papa izany satria amin' izy ireo dia Andriamanitra irery ihany no tsy mety diso.

Ny Fiangonana katolika tranainy[hanova | hanova ny fango]

Nisy mpino katôlika maro, dia ny tany Alemaina sy Soisa sy Hôlanda sy amin' ny tany hafa koa, izay nanda ny fanapahan-kevitry ny Kônsily Vatikàna I, indrindra ny amin' ny tsy fetezan-dison' ny Papa. I Loos, arsevekan' i Utrecht dia nanohitra izany ka tamin' izany dia nivoaka ny tenim-panorenana ilay fiangonana vaovao, dia ny Fanambaràna tao Utrech tamin' ny taona 1889.

Fampiharana ilay tenim-pinoana[hanova | hanova ny fango]

Hatramin' ny taonjato faha-19 dia fanambaràna roa nampiharana ny tsy fetezan-dison' ny Papa no nivoaka tao amin' ny Fiangonana katôlika rômana:

Rohy ivelany[hanova | hanova ny fango]