Fianakaviam-piteny dravidiana

Avy amin'i Wikipedia
Aller à la navigation Aller à la recherche
Ny zana-bondron'ny fiteny dravidiana

Ny fiteny dravidiana dia fianakaviam-piteny ahiatana fiteny miisa 30 any ho any izay samy avy ao India avokoa, ka tenenina indrindra ao atsimon'i India. Misy mpiteny azy ireo koa ny any Srilanka, ny any Pakistàna sy ireo vahoaka indiana nifindra monina. Tamin'ny taona 2010 dia nahatratra 214 000 000 any ho any ny mpiteny amin'ny fiteny dravidiana, ka ny tena be mpampiasa dia ny fiteny telogo sy ny fiteny tamoly na tamily (76 000 000 sy 80 000 000 ny isan'ny mpiteny azy avy), na ny fiteny malaialama sy ny fiteny kanada (izay misy mpiteny miisa 33 000 000 sy 38 000 000 isany avy). Ny tsirairay amin'ireo fiteny efatra ireo dia fiteny be mpampiasa ao amin'ny Fanjakana indiana tsirairay, dia i Anhra Pradesh (sy i Telangana izay nisaraka tamin'ny taona 2014), i Tamil Nadu, i Kerala ary i Karnataka.

Fanasokajiana ara-jeôgrafia ireo fiteny dravidiana[hanova | hanova ny fango]

Ny mpahay teny dia zatra ny mizara ny fianakaviam-piteny dravidiana ho vondrona telo: vondrom-piteny avaratra,ny vondrom-piteny afovoany, ny vondrom-piteny atsimo (izay mizara ho zana-bondrona roa indray).

Vondrona avaratra[hanova | hanova ny fango]

Ny fiteny ao amin' ny vondrona avaratra dia miparitana any avaratra-andrefana sy avaratra-atsinanan' ny saikanosy Indiana, indrindra ny fiteny brahoy. Ireto ireo fiteny ireo:

  • fiteny brahoy
  • fiteny koroka
  • fiteny maltô: fiteny saoria paharia, fiteny komarbaga paharia

Vondrona afovoany[hanova | hanova ny fango]

Ny vondrona afovoany dia ahitana ny fiteny parjy sy ny fiteny kôlamy avaratra-andrefana, izay be mpiteny ao aminy, sady samy ahitana mpiteny 100 000 any ho any. Ireto ireo fiteny ireo:

  • fiteny kôlamy avaratra-andrefana, fiteny kôlamy atsimo-atsinanana
  • fiteny parjy, fiteny olary, fiteny kôndekôra

Vondrona atsimo[hanova | hanova ny fango]

Ny vondrona atsimo, izay lehibe indrindra, dia mbola mizara ho zana-bondrona roa, dia ny zana-bondrona atsimo-afovoany sy ny zana-bondrona farany atsimo.

Ny zana-bondrona atsimo-afovoany[hanova | hanova ny fango]

Ny fiteny ao amin' ity zana-bondrona ity dia ao amin' ny faritra tsy tena atsimo loatra, izay ahitana ny fiteny telogo sy fiteny madinika hafa toy ny fiteny gôndy sy ny fiteny koy. Ireto ireo fiteny ireo:

  • fiteny telogo
  • fiteny gondy
  • fiteny kônda
  • fiteny manda
  • fiteny koy
  • fiteny kovy
  • fiteny naiky
  • fiteny kôia
  • fiteny pengô

Ny zana-bondrona atsimo[hanova | hanova ny fango]

Ny zana-bondrona any amin' ny farany atsimo izay misy zana-pizaràna maro: ny be mpiteny indrindra dia ny fiteny tamoly, izay tenenina ao atsimo amin' i India sy ao Srilanka ary ao amin' ny nosy maro ao amin' ny Ranomasimbe Indiana; ny fieny maialama, izay manakaiky azy ary ny fiteny kanada izay mihataka aminy kokoa, dia tenenin' ny olona miisa ampolony tapitrisa. Isan' ity zana-bondrona ity koa ny fiteny tolo sy ny fiteny hafa izay tsy dia miely loatra.

  • fiteny tolo, fiteny kôraga, fiteny belary
  • fiteny kanada, fiteny modo kôraga
  • fiteny badaga
  • fiteny kôdago
  • fiteny tôda
  • fiteny kôta
  • fiteny modova
  • fiteny manàna
  • fiteny tamoly
  • fiteny malaialama
  • fiteny irola

Jereo koa[hanova | hanova ny fango]

Fianakaviam-piteny lehibe[hanova | hanova ny fango]

Vondrom-pianakaviam-piteny[hanova | hanova ny fango]