Plôtinôsy

Plôtinôsy
Ankapobeny
Anarana	Plôtinôsy
Teraka	taona 203
Maty	taona 270
Fiaviana sy ny andraikitra
Firenena	Ejipta
Asa :	filôzôfy
Fiainana manokana

I Plôtinôsy dia filôzôfa platônisiana helenista, teraka tany Ejipta rômana tamin' ny taona 204 na 205 sy lehibe tany ary maty tamin' ny taona 270. I Plôtinôsy dia heverin' ny manam-pahaizana môderina ho mpanorina ny neôplatônisma. Ny mpampianatra azy dia i Amôniôsy Sakasy (grika: Ἀμμώνιος Σακκᾶς / Ammônios Sakkâs), filôzôfa nampiana-tena, izay anisan’ ny mpandala ny filôzôfian' i Platôna. Ny mpahay tantara tamin' ny taonjato faha-19 dia namorona ny teny hoe "neôplatônisma" ary nampiasa izany mba hanondroana an' i Plôtinôsy sy ny filôzôfiany, izay nisy fiantraikany be tamin' ny faramparan' ny Andro Taloha sy tamin' ny Andro Antenatenany ary tamin' ny Renaissance. Atao hoe Πλωτῖνος / Plōtînos izy amin' ny teny grika.

Ny ankamaroan' ny fampahalalana momba ny fiainan' i Plôtinôsy dia avy amin' ny sasin-tenin' i Pôrfiriôsy (grika: Πορφύριος / Porphýrios) tamin' ny fanontanany ny asasoratra malaza indrindra nataon' i Plôtinôsy, ny Ἐννεάδες / Enneades. Tao amin’ ireo asasorany momba ny metafizika, i Plôtinôsy dia namaritra foto-javatra telo: ny ἕν / hen '"Iray", ny νοῦς / noûs "Saina" ary ny ψυχή / psukhḗ, "Fanahy". Ny asasorany dia nanome aingam-panahy nandritra ny taonjato maro ho an' ny metafizisiana sy mistika paganista, jiosy, kristiana, gnôstika, ary mozilmana tany am-boalohany, anisan' izany ny famolavolana fitsipi-piainana izay misy fiantraikany amin' ny foto-kevitra ara-teôlôjia mahazatra ao amin' ny fivavahana maro, toy ny asasorany momba ny fifanoheran-droa ao anatin' ny "Iray" noho ny fanananany toetra metafizika roa.

Jereo koa

• Biôgrafia

Rohy ivelany

• Ao amin'i Freebase: [1]