Sarmatiana

Avy amin'i Wikipedia
Aller à la navigation Aller à la recherche
028 Conrad Cichorius, Die Reliefs der Traianssäule, Tafel XXVIII (Ausschnitt 01).jpg

Ny Sarmatiana dia vahoaka iraniana nandroso tamin' ny Andro Taloha tamin' ny taonjato faha-4 tal. J.K. ka hatramn' ny taonjato faha-5 tal. J.K.

Avy any amin' ny faritra afovoan' ny Fatrana Eoraziana ny Sarmatiana, izay ampahany lehibe kokoa amin' ny kolontsaina skitiana. Nanomboka nifindra monina niankandrefana izy ireo tamin' ny taonjato faha-4 sy faha-3 tal. J.K., ka tonga nanjakazaka Skitiana mifanakaiky tamin' ny fotoana manodidjna ny taona 200 tal. J.K. Tamin' ny fiitarany mivelatra indrindra manodidina ny taona 100 tal. J.K., ireo vahoaka ireo dia niely avy eo amin' ny reniranon' i Vistula ka hatrany amin' ny vavan' i Danube ary miantsinanana mankany amin' i Volga, manamorona ny Ranomasina Mainty sy ny Ranomasina Kaspiana ary koa i Kaokazy any atsimo.

Sarin-tanin i Skitia tamin' ny taona 100 tal. J.K.

Ny tanin' izy ireo, izay fantatra amin' ny anarana hoe Sarmatia ho an' ireo etnôgrafa grika-rômana, dia mifanitsy amin' ny faritra andrefan' i Skitia lehibe kokoa (anisan' izany i Okraina Afovoany ankehitriny, i Okraina Atsimo-Atsinanana, i Rosia Atsimo, i Volga rosiana, ary ny faritra Oraly Atsimo, ary koa any amin' ny faritra kely kokoa any avaratra-atsinanan' ny Balkana sy ny manodidina an' i Môldavia). Tamin' ny taonjato voalohany taor. J.K. dia nanomboka niditra an-keriny tao amin' ny Empira Rômana ny Sarmatiana, ka niray tetika tamin' ireo foko jermanika. Tamin' ny taonjato faha-3 taor., dia noravan' ny Gôty ny fanjakazakan' izy ireo tamin' ny Fatrana Pôntika. Tamin' ny fanafihan' ny Hona tamin' ny taonjato faha-4 dia maro ny Sarmatiana no nanatevin-daharana ny Gôty sy ny foko jermanika hafa (ny Vandala) tao amin' ny toerana misy ny Empira Rômana Andrefana. Koa satria ny ampahany lehibe amin' i Rosia ankehitriny, indrindra fa ny tany eo anelanelan' ny Tendrombohitra Oraly sy ny reniranon' i Don, dia nofehezin' ny Sarmatiana tamin' ny taonjato faha-5 tal. J.K., ny lemaka Volga–Don sy ny Lemak' Oraly indraindray dia antsoina hoe "Tanindrazan' ny Sarmatiana".

Tamin' ny farany, ny Sarmatiana dia nifangaro tamin' ny mponina prôtô-slava any Eorôpa Atsinanana.