Ilangilangy
![](http://upload.wikimedia.org/wikipedia/commons/thumb/8/8a/Plants_at_Queen_Sirikit_Botanic_Garden_-_Chiang_Mai_2013_2501.jpg/233px-Plants_at_Queen_Sirikit_Botanic_Garden_-_Chiang_Mai_2013_2501.jpg)
![](http://upload.wikimedia.org/wikipedia/commons/thumb/2/28/Ylang_ylang_flowers_-Cananga_odorata.jpg/220px-Ylang_ylang_flowers_-Cananga_odorata.jpg)
Ny ilangilangy dia zavamaniry (hazo) ao amin' ny fianakavian-javamaniry Annonaceae, avy any Azia Atsimo-Atsinanana sy any Filipina ary any Moluques. Ny anarany ara-tsiansa dia Cananga odorata. Volena io zavamaniry io noho ny voniny izay ahazoana menaka azo ampiasaina amin' ny fanamboarana ranomanitra. Ny teny hoe ilangilangy dia fanagasiana ny teny hoe Ylang-ylang izay avy amin' ny anaran' ilay hazo amin' ny fiteny tagalôgy (fiteny any Filipina), izay midika hoe "voninkazo dia voninkazo" na "voninkazo fanaperana". Volena any Azia Atsimo-Atsinana (any Mianmara, any Filipina). Nampidirina saika manerana ny nosy an-jana-pehin-tany any amin' ny Ranomasimbe Pasifika (Pôlinezia, Melanezia, Mikrônezia, Kaledônia Vaovao, Hawai, sns), sy any amin' ny tapany avaratr' i Aostralia, any Tailandy, any Vietnamy, aty amin' ny faritry ny Ranomasimbe Indiana (Madagasikara, Kômôro, Mayotte, La Réunion, Maorisy), ary any amin' ireo nosy Karaiba sy any Kôsta Rika io hazo io.