Fanjakan'i Israely (Samaria)

Avy amin'i Wikipedia
Sauter à la navigation Sauter à la recherche
Fanjakan'i Israely sy Fanjakan'i Jodà tamin'ny taonjato faha-9 tal. J.K.

Ny Fanjakan'i Israely na Fanjakan'i Samaria na Fanjakana Avaratra dia fanjakà-mpanjaka tao Atsinanana-Akaiky taloha izay naorin'ny Israelita tao amain'ny tapany avaratr'i Palestina tamin'ny Andron'ny Vy. Naharitra 200 taona io fanjakana io, izay nisy nanomboka tamin'ny taonjato faha-10 tal. J.K. sy rava tamin'ny taonjato faha-8 tal. J.K. (taona 930 - 720 tal. J.K.).

Ny mpahay tantara dia manome anarana azy hoe "Fanjakan'i Samaria" na "Fanjakana Avaratra" mba tsy hifangaroany amin'ny Fanjakan'i Jodà ao atsimo na ny Fanjakan'i Israely fony mbola nitambatra. Araka ny Baiboly dia nandimby ny Fanjakan'i Israely mitambatra sy ny an'i Jodà izy. Atao hoe "Efraima" koa izy indraindray.

Maro ireo tari-mpanjaka nifandimby nitondra tao amin'io fanjakana io. I Sikema no renivohiny talohan'ny nisafidianan'i Jeroboama an'i Tirtsa (na Tirza). Taty aoriana dia nanorina ny tanànan'i Samaria i Omry ka lasa renivohitry ny fanjakana io tanàna io hatramin'ny nanorenana azy ka hatramin'ny namaboan'ny Asiriana azy.

Tsy tena tsara ny filazan'ny Baiboly ny amin'ity fanjakana ity noho ny vahoaka nonina tao sy ny mpanjakany lazainy fa nanalavitra ny fampianaran'i Mosesy (na Môizy) tamin'ny fanompoan'izy ireo sampy. Lasan'ny Asiriana tamin'ny taona 720 tal. J.K. ny Fanjakan'i Israely.

Fokon'i Israely tao amin'ny Fanajakana Avaratra[hanova | hanova ny fango]

Ireto ireo fokon'i Israely folo tao Avaratra izay lazaina koa fa tsy hita popoka taorian'ny fandravàn'ny Asiriana ny Fanjakan'i Israely:

Ny fokon'i Jodà sy ny fokon'i Benjamina no tsy tao amin'io fanjakana io. Nisy ampahany tamin'ny fokon'i Levy izay nisahana ny resaka fivavahana tao amin'ny Fanjakan'i Israely.

Lisitry ny mpanjakan'i Israely[hanova | hanova ny fango]

Nanomboka tamin'ny nisarahan'ny Fanjakan'i Israely sy ny Fanjakan'i Jodà dia ireto ny mpanjakan'i Israely nifandimby raha tsy isaina i Saoly (na Saola) sy i Isboseta sy i Davida ary i Solomona (na Salomona).

  • Jeroboama I (hebreo: יָרָבְעָם‬ / Yaraḇe‘am);
  • Nadaba (hebreo: נָדָב‬ / Naḏaḇ);
  • Basa na Baasa (hebreo: בַּעְשָׁא‬, / Baʿashaʾ);
  • Ela (hebreo: אֵלָה‎ /’Elah);
  • Zimry (hebreo: זִמְרִי / Zimri,);
  • Omry (hebreo: עמרי‬ / ‘Omri);
  • Ahaba (hebreo: אַחְאָב / ʼAḥʼaḇ);
  • Ahazia na Okoziasa (hebreo: אֲחַזְיָה‎ / ’Aḥazyah);
  • Jehorama (hebreo: יְהוֹרָם‎ / Yehoram);
  • Jeho (hebreo: יֵהוּא‬ /Yehu);
  • Joahaza na Joakaza (hebreo: יְהוֹאָחָז‎ / Yeho’aḥaz);
  • Joasy na Joasa (hebreo: יהואש / Yeho’ash na יואש / Yo’ash);
  • Jeroboama II (hebreo: יָרָבְעָם‎ / Yaraḇe‘am);
  • Zakaria (hebreo: זְכַרְיָה‎ / Zeḵaryah);
  • Saloma (hebreo: שַׁלּ֤וּם‎ / Shallum);
  • Menahema (hebreo: מְנַחֵם / Menaẖem);
  • Pekahia na Faseia (hebreo: פקחיה‎ / Peqaḥyah);
  • Peka na Fasea (hebreo: פֶּ֨קַח‎ / Peqaḥ);
  • Hosea na Osea (hebreo: הושע / Hoshea‘);

Jereo koa:[hanova | hanova ny fango]