Aller au contenu

Fokom-pirenen' i Isakara

Avy amin'i Wikipedia
Sarintanin'ny foko 12n'i Israely

Ny fokom-pirenen' i Isakara dia iray amin' ny fokom-pirenen' i roa ambin' ny folon' i Israely. Araka ny lovantsofina jiosy dia mpandalina ny fivavahana sady nahomby tamin' ny fampianarana ny finoana ny fokom-pirenen' i Isakara[1]. Nifameno ny fokom-pirenen' i Isakara sy ny an' i Zebolôna satria ny taranak' i Isakara nanokana ny androm-piainany tamin' ny fianarana sy ny fampianarana ny Torah fa ny taranak' i Zebolôna kosa niasa ho an' ny fokom-pirenena roa.

I Isakara[hanova | hanova ny fango]

I Isakara (hebreo: יִשָּׂשכָר‬ / Yissakhar) dia zanaka fahasivin' i Jakôba sady zanany fahadimy tamin' i Lea. Indreto ny zanak' i Isakara: Tola, Poa, Jasoba ary Simrona.

Ny anjara tanin' ny fokom-pirenen' i Isakara[hanova | hanova ny fango]

Araka ny fitantaran' ny Bokin' i Jôsoa dia nomen' i Jôsoa ny tany any avaratr' i Manase sy ny any atsimon' i Zebolôna sy Naftaly ny fokom-pirenen' i Isakara, hatreo amin' ny onin' i Jordana any antsinanana ka hatramin' ny morontsiraka any andrefana; ao amin' izany faritra izany no ahitana ny tany lemaka mahavokatr' i Esdrelôna[1]. Mihevitra anefa ny manam-pahaizana fa tsy ara-tantara ny voalaza ao amin' ny Bokin' ny Mpitsara momba ny fokom-pirenen' i Isakara[2] [3] [4].

Olona isan'ny fokon'i Isakara[hanova | hanova ny fango]

Anisan' ny fokom-pirenen' i Isakara ny mpitsara Tola sy ny apôstôly Tômasy (na Tômà).

Anisan' ny fokom-pirenen' i Israely nanjavona[hanova | hanova ny fango]

Niaraka tamin' ny Fanjakan' i Israely avaratra ny fokom-pirenen' i Isakara ka tamin' ny nandravan' ny Asiriana io fanjakana io dia natao sesitany ny vahoaka tao aminy niaraka tamin' ny vahoakan' ny fokom-pirenena sivy hafa sady isaina ao anatin' ny fokom-pirenen' i Israely tsy hita popoka.

Jereo koa[hanova | hanova ny fango]

Loharano sy fanamarihana[hanova | hanova ny fango]

  1. 1,0 et 1,1 Hirsch, Emil G.; Price, Ira Maurice; Schechter, Solomon; Seligsohn, M. (1906). "Issachar, Tribe of". Jewish Encyclopedia.
  2. K. Lawson Younger, Jr. (1 October 2004). "Early Israel in Recent Biblical Scholarship". In David W. Baker; Bill T. Arnold. The Face of Old Testament Studies: A Survey of Contemporary Approaches. Baker Academic. p. 200. ISBN 978-0-8010-2871-7.
  3. Carl S. Ehrlich (1999). "Joshua, Judaism and Genocide". Jewish Studies at the Turn of the Twentieth Century, Volume 1: Biblical, Rabbinical, and Medieval Studies. BRILL. p. 117. ISBN 90-04-11554-4.
  4. Adele Berlin; Marc Zvi Brettler (17 October 2014). The Jewish Study Bible: Second Edition. Oxford University Press. p. 951. ISBN 978-0-19-939387-9.