Anjara asa (fitsipiteny)

Avy amin'i Wikipedia
Sauter à la navigation Sauter à la recherche

Ny anjara asa dia ny karazam-pifandraisana sy fifampiakinana misy eo amin'ny teny na andian-teny sy ny teny na andian-teny fototra mikambana ao amin'ny andian-teny lehibe kokoa (izay mety ho tarika na fehezankevitra na fehezanteny). Ireto ny anjara asa mateti-pitranga ao amin'ny fehezanteny: ny entimilaza sy ny lazaina ary ny fameno. Amin'ny fitsipiteny malagasy, ankoatra ny entimilaza sy lazaina ary ny fameno, dia avahana koa ao amin'ny fehezanteny ny reny lazaina sy ny ana-daaina, ny reny entimilaza sy ny anak'entimilaza, ny reny fameno sy ny zana-pameno.

Anjara asan'ny reniteny[hanova | hanova ny fango]

Ny entimilaza[hanova | hanova ny fango]

Ny entimilaza na vara dia anjara asan'ny teny na andian-teny anambaràna ny asa atao na ny asa mihatra amin'ny zavatra ambara amin'ny teny mitana ny anjara asa lazaina, na koa anambaràna ny toetrany na ny misy azy na ny fifandraisany amin'ny zavatra hafa.

Sokajin-teny azo atao entimilaza[hanova | hanova ny fango]

  • Entimilaza matoanteny

Ny matoanteny matetika no misahana ny anjara asa entimilaza nefa afaka misahana izany koa ny mpamari-toetrana ny anarana na ny mpisolo sns arakaraka ny fiteny ka mety mila na tsy mila fampiasana matoanteny mpampikambana izany. Ny ankamaroan'ny boky mampianatra fitsipitenin'ny fiteny sasany ao Eoropa (fiteny frantsay, anglisy sns) dia mampifangaro ny hoe "matoanteny" (izay sokajin-teny) amin'ny hoe "entimilaza" (izay anjara asan'ny teny) ka mampianatra fa ny fehezanteny feno dia ahitana matonteny sy lazaina ary fameno.

  • Sokajin-teny hafa azo atao entimilaza

Firafitra sy endriky ny entimilaza[hanova | hanova ny fango]

  • Ny toerana misy ny entimilaza ao amin'ny fehezateny
  • Ny famenon'ny entimilaza
  • Endriky ny entimilaza

Ny lazaina[hanova | hanova ny fango]

Ny lazaina dia anjara asan'ny teny misahana ny fanaovana ny asa na tompon'ny toetra resahina ao amin'ny fehezanteny tsotra amin'ny fiendrika manano.

Sokajin-teny azo atao lazaina[hanova | hanova ny fango]

  • Lazaina anarana

Ny lazaina dia matetika anarana.

  • Sokajin-teny hafa azoatao lazaina

Tsy ny anarana ihany no azo atao lazaina. Arakaraka ny fiteny na ny fahafahan'ny fiteny dia mety azo atao lazaina koa ny sokajin-teny toy na ny mpisolo, ny mpamari-toetra ary ny matoanteny. Ny andian-teny toy ny tarika sy ny fehezankevitra koa dia azo atao lazaina.

Firafitra sy endriky ny lazaina[hanova | hanova ny fango]

  • Ny toerana misy ny lazaina ao amin'ny fehezateny
  • Ny famenon'ny lazaina
  • Endriky ny lazaina

Ny lazaina sy ny fitodiky ny fehezanteny[hanova | hanova ny fango]

Tsy ny mpanao ny asa na ny tompon-toetra ihany no azo atao lazaina. Raha ovana todika ny fehezanteny dia mety ho ny teny misahana ny anjara asa iharana na toe-javatra no lasa lazaina ka ilay teny nisahana ny anjara asa lazaina teo aloha lasa fameno. Arakaraka ny fiteny na ny fahafahan'ny fiteny dia azo atao lazaina ny teny ilazana ny iharan'ny asa na ny toe-javatra (fotona, antony, vokany sns).

Fameno[hanova | hanova ny fango]

Ny fameno dia anjara asan'ny teny na andian-teny miankina amin'ny teny na andian-teny iray hafa ao anaty fehezanteny na tarika.

Sokajin-teny azo atao fameno[hanova | hanova ny fango]

  • Fameno anarana

Ny fameno dia matetika anarana.

  • Sokajin-teny hafa azo atao fameno

Tsy ny anarana ihany no azo atao fameno. Arakaraka ny fiteny na ny fahafahan'ny fiteny dia mety azo atao fameno koa ny sokajin-teny toy na ny mpisolo, ny mpamari-toetra ary ny matoanteny. Ny andian-teny toy ny tarika sy ny fehezankevitra koa dia azo atao fameno.

Karazana anjara asa fameno[hanova | hanova ny fango]

  • Famenon'ny entimilaza
  • Famenon'ny fehezanteny
  • Karazana anjara asa fameno hafa

Firafitra sy endriky ny fameno[hanova | hanova ny fango]

  • Ny toerana misy ny famenoao amin'ny fehezateny
  • Endriky ny fameno

Anjara asan'ny zanateny[hanova | hanova ny fango]

Ny zanateny dia teny atao hilazana ny anjara asan'ny teny hafa na natao hampifandraisana teny roa hafa ao anaty tarika na fehezankevitra na fehezanteny. Sokajin-teny maromaro ny zanateny, dia ny mpampitohy, ny mpampiankina, ny mpisolo, ny mpamaritra (tsy isany ny mpamari-toetra), ny mpanoritra, sns. Matetika dia tokana anjara asa ny zanateny sady mifangaro amin'ny anaran'ny anjara asany ny anarany.

Jereo koa:[hanova | hanova ny fango]