Fameno mpanao

Avy amin'i Wikipedia
Sauter à la navigation Sauter à la recherche

Ny fameno mpanao amin'ny fitsipiteny mahazatra dia fameno ao amin'ny fehezanteny aminy fiendrika anoina izay sahanin'ny teny na andian-teny manondro ny mpanao ny asa. Ao amin'ny fehezanteny manano, io mpanao ny asa io dia misahana ny anjara asa lazaina, ka atao hoe lazaina mpanao. Matetika dia manjavona ny fameno mpanao ao amin'ny fehezanteny ka ny lazaina atao na iharana na hafa miaraka amin'ny matoanteny no sisa ao amin'ny fehezanteny. Ny fiovana anjara asan'ny mpanao dia mety miteraka fiovan'endriky matoanteny (izay lasa matoanteny iharana na atao na hafa) na fiovan'endrik'ilay teny na andian-teny misahana ny anjara asa mpanao. Amin'ny teny sasany dia ialohavan'ny mpampiankin-teny ny teny na andian-teny mpanao. Matetika dia heverina ho fehezanteny sampan'ny fehezanteny manano ny fehezanteny misy fameno mpanao.

Ohatra:

  • Hanin'ny saka ny voalavo.
  • La charrue était tirée par les bœufs (frantsay, "Notrihin'ny omby ny angadinomby")
  • The electron was discovered by Thomson (anglisy, "Hitan'i Thomson voalohany ny elektrona")
  • Condițiile sunt stabilite de participanți (romaniana, "Napetraky ny mpandray anjara ny fepetra")
  • A vers a költő által olvastatik fel (hongariana, "Vakin'ny poeta ny tononkalo")

Jereo koa[hanova | hanova ny fango]