Mpampiankin-teny

Avy amin'i Wikipedia

Ny mpampiankin-teny dia teny ampiasaina anaty andian-teny misy fifampiakinana ara-pifehezanteny na ara-keviteny (tarika na fehezanteny) mba hampifandraisana ny fameno amin' ny teny na andian-teny fenoiny. Zana-tsokajin' ny atao hoe mpampiankina ny mpampianki-teny. Ny teny na ny andrian-teny (matetika tarika anarana) ampidirin' ny mpampiakin-teny dia atao hoe "famenon' ny mpampiakin-teny" ary ny tarika foronin' ny mpampiakin-teny sy ny teny na tarika ampidiriny dia atao hoe "tarika mpampiankin-teny".

Famenon' ny mpampiankin-teny[hanova | hanova ny fango]

Ny famenon' ny mpampiankin-teny dia teny mameno ny mpampiankin-teny ka tsy misy mpampiankin-teny hafa manakambana azy roa ireo. Ny andian-teny foronin' ny mpampiankin-teny sy ny famenony no atao hoe "tarika mpampiankin-teny".

Mpampiankin-teny ao amin' ny fiteny sasany[hanova | hanova ny fango]

Mpampiankin-teny ao amin' ny fiteny frantsay[hanova | hanova ny fango]

Indreto ny mpampianakin-teny frantsay fampiasa matetika: à ("amy", "anaty", "ao amy"), à côté de ("anila"), après ("aoriana"), au sujet de ("momba", "ny amy"), avant ("aloha"), avec ("miaraka amy", "mbamy"), chez ("ao an-trano", "an-tanana", "amin' ny fonenana", "ao amin' ny firenena"), contre ("manohitra"), dans ("ao amy", "anaty"), d'après ("araka", "araka ny voalaza"), de ("ana", "avy amy", "momba"), depuis ("hatramy", "manomboka amy"), derrière ("aoriana", "amboho"), devant ("anoloana", "manoloana"), durant ("mandritra"), en ("ao anaty", "amy"), en dehors de ("ivelana"), en face de ("manoloana", "anatrehana"), entre ("anelanelana"), envers ("amy"), environ ("marikitra"), hors de ("ivelana"), jusque ("ambaraka", "mandraka", hatramy"), loin de ("lavitra"), malgré ("na dia"), par ("amin' ny alalana", "manavasava"), parmi ("anisa", "ao anaty", "eo afovoana"), pendant ("mandritra"), pour ("mba", "ho ana", "noho"), près de ("akaiky"), quant à ("raha ny amy"), sans ("tsy amy", "tsy misy"), selon ("araka ana", "araka", "araka ny teny", "arakaraka"), sous (ambany), suivant ("araka", "arakaraka"), sur ("ambony", "momba", "ny amy"), vers ("mianka-", "miana-", "mankany").

Mpampiankin-teny ao amin' ny fiteny malagasy[hanova | hanova ny fango]

Indreto ny mpampiankin-teny malagasy sasantsasany: afa-tsy, afovoa, ambaraka, amina, amorona, ampovoa, amy, ana, anatrehana, anaty, anebakebaka, anelanelana, anila, ankatoka; ankoatra, antenatena, araka, arakaraka, hatra, hatramy, hatrany, imaso, ivela, ivoho, mandraka, mandritra, manolotra, momba, noho, ohatra, tahaka, toa, toraka, toy[1]. Ny ankamaroan' ny teny lazaina fa mpampiankin-teny malagasy dia mitovy endrika amin' ny anarana na ny mpamari-toetra ny matoanteny na tambinteny. Ohatra amin' izany ireto: akaiky, ambany, ambony, anatrehana, ankavanana, ankavia, lavitra, mamaky, manandrify, mandalo, maninteraka, manodidina, manoloana, tandrify[1].

Jereo koa[hanova | hanova ny fango]

Loharano sy fanamarihana[hanova | hanova ny fango]

  1. 1,0 et 1,1 Régis Rajemisa-Raolison, "La préposition", in Gramaire malgache, 1971, p. 141-146.