Tsikafonkafombazaha
_ou_encore_camalote_à_ganvié_au_Bénin_08.jpg)
Ny tsikafonkafombazaha, izay atao hoe tsikafonkafona ihany koa, dia karazana zavamaniry an-drenirano sy amin' ny lakandrano ary anaty farihy, amin' ny faritra manana toetanin-jana-pehin-tany, ao amin' ny fianakaviana Pontederiaceae. Eichhornia crassipes ny anarany ara-tsiansa. Any Amerika Atsimo no fiaviany, ao amin' ny deboka amazôniana sy ao amin' ny farihy lehibe sy honahona ao amin' ny faritr' i Pantanal any amin' ny tapany andrefana amin' i Brezila no fiaviany.
Anisan' ny zavamaniry ratsy maniry sy miparitaka haingana ny tsikafonkafombazaha. Mitambatambatra metevina sady mitsinkafona ambony rano ny tahony. Izy no haingam-paniry indrindra amin' ny zavamaniry rehetra: mahatratra 2 hatramin' ny 5 m isan' andro ny kinovany sasany maniry any Azia Atsimo-Atsinanana.
_(13739218794).jpg)
Ny Eorôpeana no nampiditra ny tsikafonkafombazaha teto Madagasikara tamin' ny taona 1925; taty aoriana dia nanelingelina ny fikorianan' ny rano amin' ny lakandrano io zavamaniry io sady nameno ny farihy sy ny dobo. Atao sakafon' ny omby be ronono anefa izy sady azo atao zezika amin' ny tanimbary.