Saikinosy Ankify

Ankify dia saikanosy malagasy ao amin' ny Distrikan' Ambanja, Faritra Diana, Faritanin' Antsiranana. Manatrika nan' i Nosy Be sy an' i Nosy Komba izy. Misy seranan-tsambo kely ahafahana miditra amin' ireo nosy ireo ny ao. Ny tendrony farany, ao amin' ny tanànan' i Doany, dia manamorona haran-dranomasina.

Fidirana ao

Lalana mirefy 20 km, nohavaozina vao haingana, na ahafahana miditra ao avy any Ambanja. Miolakolaka eo afovoan' ny toeram-pambolena kakaô sy kafe ary ilangilangy izy io, mamakivaky ny ala honko amin' ny fefiloha mankany amin' ny seranan-tsambo ary miafara any amin' ny tanànan' i Doany. Azo atao ny mankany amin' ny alalan' ny sambo avy any Nosy Be ary miantsona eo amin' ny seranan-tsambo na avy hatrany dia any amin' ny tanànan' i Doany, amin' ny fiakaran' ny ranomasina.

Torekarena

Ny tena asa fivelomana ao dia asa eny amin' ny seranan-tsambo, izay hany fiaingan' ny entana sy ny mpandeha ho any Nosy Be. Toeram-ponenan' ny mpanjono ireo tanàna amorontsiraka izay matsy an' Ambanja. Feno toeram-pambolena voankazo ny tendrombohitra ao aminy. Tao anatin' ny taona vitsivitsy izay, noho ny trano fandraisam-bahiny ao Doany, dia lasa loharanon-karena ho an' ny mponina ny fizahàn-tany.

Fizahàn-tany

Ny trano fandraisam-bahiny sasany any an-dafin' ny seranan-tsambo dia mijanona amin' ity toerana ity, izay mbola tsy idiran' ny mpizaha loatra avy amin' ireo nosy manodidina. Misy ny fitsangantsanganana ambany ranomasina manamorona ny haran-dranomasina ao Doany. Io ihany koa no fiaingan' ny fitsangantsanganana mankany amin' ireo nosy sy ireo faritra tsy dia fantatra loatra ao amin' ny helodranon' Ampasindava.

Biby sy zavamaniry

Ahitana zavamaniry sy ny biby samihafa eto amin' ny firenena izy io, ankoatra ny karazany hafa:

tanalahy: Furcifer, indrindra ny Furcifer Pardalis;
gidro: indrindra ny komba (gidro mainty), sy ny ny variokamavo (Eulemur fulvus);
soka-dranomasina: eny amin' ny haran-dranomasina any Doany
feso amin' ny honko: manamorona ny morontsiraka, avaratry ny seranan-tsambo.

Jereo koa