Roibontsy
Ny roibontsy na rohibontsy na robontsy na roinosy dia hazo mirefy 6 hatramin' ny 7 m izay manana sampana sy rantsana misy tsilo. Miendrika bola miloko fotsy ny voniny. Mitovy amin'ny an' ny tsaramaso ny voany. Tsy fahita firy afa-tsy eto Madagasikara ity zavamaniry ity. Senegalia rovumae (na Acacia morondavensis na Acacia rovumae) ny anarany ara-tsiansa. Ao amin' ny fianakavian-javamaniry Fabaceae izy.
Amin' ny ala maina maniry amin' ny tany fasehana manakaiky mitohy mankany amin' ny morontsiraka no ahitana azy. Tsy maniry amin' ny tany misy sokay ity zavamaniry ity. Ahitana azy ny faritry ny Ranomasimbe Indiana sy ny manodidina (Kenià, Madagasikara, Môzambika, Tanzania, Sômalia) sy ao Afrika. Any amin' ny faritra atsimo eto Madagasikara dia azo atao sakafon' ny osy, azo anaovana hazo hanamboaran-trano na ny toy izany koa, na anaovana arina ny robontsy. Ahitana azy betsaka ny manodidina ny farihy Tsimanampetsotsa.