Isa taenimpolo
Ny rafitra taenimpolo na isa taenimpolo dia rafi-panisana mampiasa ny fototra enimpolo, izany hoe mandeha tsienimpoloenimpolo ny venty sy ny jotsotombony na songatombony fa tsienimpoloenimpolo. Avy amin' ny Somerianina tamin' ny Andro Taloha tamin' ny taonarivo faha-3 tal JK izy io, izay noraisin' ny Babilôniana fahiny, ary mbola ampiasaina - amin' ny endrika novaina - mba handrefesana ny fotoana, ny zoro ary ny fangitra ara-jeôgrafika. Ny fanisana taenimpolo dia fantatra ihany koa amin' ny hoe DMS (degre-minitra-segondra)
Tsy toy ny ankamaroan' ny rafitra fanisana hafa, ny rafitra taenimpolo dia tsy ampiasaina amin' ny siansa infôrmatika na lôjika madio, fa azo ampiharina amin' ny fandrefesana zoro sy fangitra ara-jeôgrafika. Ny venty ao amin' ny fanisana taenimpolo dia ny degre (360 degre), avy eo ny minitra (60 minitra = 1 degre) ary ny segondra (60 segondra = 1 minitra). Ny fampiasana môderina ny rafitra taenimpolo dia mitovitovy amin' ny fandrefesana fotoana, izay misy 24 ora isan' andro, 60 minitra ao anatin' ny adiny iray, ary 60 segondra ao anatin' ny iray minitra. Ny fandrefesana ny fotoana ankehitriny dia mifanitsy, amin' ny fomba marikitra, amin' ny faharetan' ny fihodinan' ny Tany amin' ny tenany (andro) sy ny fihodinany amin' ny Masoandro (taona). Ny fotoana kely noho ny segondra dia refesina amin' ny rafitra tafolo na isa tafolo.
Ny rafitra taenimpolo dia mampiasa tarehimarika enimpolo samihafa, amin' ny ankapobeny dia ny 0, 1, 2, 3, 4, 5, 6, 7, 8, 9, 10, 11, 12, 13, 14, 15, 16,..., 59, ary manome soratra mifintina kokoa noho ny ny rafitra manana fototra kely kokoa. Ohatra, ny isa iray dia azo soratana hoe (1,56,24) sady hisy tarehimaika telo: 1 sy 56 ary 24 (ny fanehoana an' io isa io ao amin' ny rafita manana fototra folo dia misy tarehimarika efatra: 6, 9, 8 ary 4).