Aller au contenu

Faritanin' i Khorasan-e-Jonubi

Avy amin'i Wikipedia
Faritanin' i Khorasan Atsimo

Ny Faritanin' i Khorasan Atsimo na Faritanin' i Khorasan-e-Jonubi dia iray amin' ny faritany 31 ao Iràna, ao amin' ny tapany atsinanan' i Iràna. I Birjand no renivohitr' ilay ny faritany.

Tamin' ny fanisam-bahoaka tamin' ny taona 2006, ity faritany ity dia nisy mponina 600 568 ao amin' ny tokantrano 159 255. Ny fanisam-bahoaka manaraka tamin' ny taona 2011 dia naitana mponina 662 534 tao anatin' ny tokantrano 183 114. Tamin' ny taona 2014 dia napetraka tao amin' ny Faritra faha-5 izy. Tamin' ny fanisam-bahoaka farany indrindra tamin' ny taona 2016, ny mponina tao amin' ny Faritanin' i Khorasan Atsimo dia nitombo ho 768 898 tao amin' ny tokantrano 223 984.

Ity faritany vaovao ity, dia ilay Quhistan taloha izay tafiditra ao anatin' i Khorasan Lehibe tamin' ny drafitra fitantanana iraniana. Na izany aza, i Qohistan ara-tantara dia faritra nanana ny maha izy azy miavaka, manana kolontsaina, tantara, tontolo iainana ary tontolon-javaboary miavaka.

I Khorasan Atsimo dia iray amin' ny faritany telo noforonina taorian' ny fizaràna an' i Khorasan tamin' ny taona 2004. Raha tany am-piandohana, ny "Khorasan Atsimo" vao noforonina dia tsy nahitana afa-tsy i Kôntean' i Birjand sy ny kôntea vaovao sasany nisaraka tamin' io kôntea io (izany hoe i Nehbandan sy i Darmian ary i Sarbisheh), tamin' ny taona manaraka an' io, dia nampidirina tao Khorasan Atsimo ny tanàna avaratra sy andrefana ary ny fizaràn-tany rehetra tao Quhistan taloha (toa an' i Qaen, i Ferdows ary i Tabas), izay misy distrika 11 hatramin'ny taona 2016.

Jereo koa[hanova | hanova ny fango]